SCTIMSTના વૈજ્ઞાનિકો દ્વારા Covid-19ના દર્દીઓના પરીક્ષણ માટે ‘ડીસઇન્ફેક્ટેડ બેરીયર એક્ઝામીનેશન બુથ’ તૈયાર કરવામાં આવ્યું

‘શ્રી ચીત્રા તિરૂનલ ઇન્સ્ટીટ્યુટ ફોર મેડીકલ સાયન્સ એન્ડ ટેક્નોલોજી’ (SCTIMST), એક સ્વનિર્ભર સંસ્થાના સાયન્સ એન્ડ ટેક્નોલોજી ડીપાર્ટમેન્ટ (DST), તેમજ ભારત સરકારના વૈજ્ઞાનિકો દ્વારા Covid-19ના દર્દીઓના પરીક્ષણ માટે ‘ડીસઇન્ફેક્ટેડ એક્ઝામીનેશન બુથ’ તૈયાર કરવામાં આવ્યુ છે.

આ નવીનતમ ડીસઇન્ફેક્ટેડ એક્ઝામીનેશન બુથની રચના ટેલીફોન બુથની જેમ બંધ કેબીન જેવી હોય છે જેથી દર્દી સાથે સીધા સંપર્કમાં આવ્યા સીવાય જ ડૉક્ટર તેનુ પરીક્ષણ કરી શકે છે અને કોરોના વાયરસથી સંક્રમીત થવાથી બચી શકે છે. આ બુથ લેમ્પ, ટેબલફેન, રેક તેમજ અલ્ટ્રાવાયોલેટ લાઇટથી સજ્જ છે.

દરેક દર્દી ચેમ્બર છોડે ત્યાર બાદ ચેમ્બરમાં લગાવેલી અલ્ટ્રાવાયોલેટ લાઇટ આ ચેમ્બરને ડીસઇન્ફેક્ટ કરે છે. બુથમાં લગાવવામાં આવેલી UV લાઇટ 15 વોટના રેટીંગ સાથે 254nmની વેવલેન્થ ધરાવે છે જે 3 મીનિટની અંદર ચેમ્બરમા રહેલા મોટાભાગના જીવાણુઓનો નાશ કરે છે. દર્દીની શારીરિક તપાસ માટે મોજાની એક જોડી પણ બુથમાં આપવામાં આવે છે. આ ઉપરાંત આ ચેમ્બરની સાઇડ ફ્રેમમાં એક એન્ટ્રી ટનલ આપવામાં આવી છે જેમાંથી સ્ટેથોસ્કોપ પસાર કરી શકાય છે. આ એન્ટ્રી ટનલ દ્વારા ડૉક્ટર દર્દી સુધી સ્ટેથોસ્કોપ પહોંચાડીને તેના હ્રદયના ધબકારા અને શ્વાસના અવાજને સાંભળી શકે છે.

આ પરીક્ષણ પછી:

· દર્દીને આ ચેમ્બર ખાલી કરવાનું કહેવામાં આવે છે.

· અલ્ટ્રાવાયોલેટ લાઇટને ત્રણ મીનિટ સુધી ચાલુ રાખવામાં આવે છે.

· જ્યારે અલ્ટ્રાવાયોલેટ કીરણોથી ચેમ્બરમાંના જંતુઓનો નાશ કરવામાં આવે ત્યાર બાદ અન્ય દર્દીને બોલાવવામાં આવે છે અને ફરી એક વાર એ જ પ્રક્રીયા કરવામાં આવે છે.

આ બુથની લંબાઇ 210cm, ઉંડાઇ 150cm અને પહોળાઈ 120cm છે જેથી દર્દીને પુરતી જગ્યા મળી રહે છે.