આતંકવાદીઓએ નિર્દોષ લોકો કરતા કાશ્મીરને લૂંટનારા લોકોની હત્યા કરવી જોઈએ : સત્યપાલ મલિક

શ્રીનગરઃ જમ્મુ-કાશ્મીરમાં આજે ટુરિઝમ ફેસ્ટિવલનું ઉદ્ધાટન કરવામાં આવ્યું હતું. જેમાં ઉપસ્થિત જમ્મુનાં રાજ્યપાલ સત્યપાલ મલિકે લોકોને સંબોધતા કહ્યું હતું કે, આતંકીએ નિર્દોષ લોકોની હત્યા કરવાને બદલે જેમણે કાશ્મીરને લૂંટ્યુ છે, તેમની હત્યા કરવી જોઈએ.

જમ્મુ-કાશ્મીરના રાજ્યપાલ સત્યપાલ મલિકે રવિવારે લદ્દાખ ટુરિઝમ ફેસ્ટિવલનું ઉદ્ધાટન કર્યુ હતુ. આ દરમિયાન સત્યપાલ મલિકે પોતાના ભાષણમાં કહ્યું હતું કે 'આતંકવાદીઓએ નિર્દોષ સુરક્ષાકર્મીઓની હત્યા કરવાનું બંધ કરવું જોઈએ અને તેના બદલે જે લોકોએ કાશ્મીરની સંપત્તિ લૂંટી છે તેની સામે હુમલો કરવો જોઈએ.'

વધુમાં મલિકે કહ્યું હતું કે હથિયાર ઉઠાવવાથી ક્યારેય કોઇ સમસ્યાનું નિરાકરણ નથી થતું. શ્રીલંકામાં એક સંગઠન હતું જેને લિટ્ટે નામથી ઓળખવામાં આવતુ હતુ. તેને પણ સમર્થન હતું પરંતુ તે ખતમ થઈ ગયું.