નવી દિલ્હી: કોંગ્રેસના મહાસચિવ પ્રિયંકા ગાંધી વાડ્રાએ રેલવે દ્વારા પરપ્રાંતિય મજૂરો પાસેથી ભાડુ વસૂલવાના આરોપસર સરકાર પર નિશાન સાધ્યું છે અને સવાલ કર્યો છે કે 'નમસ્તે ટ્રમ્પ' કાર્યક્રમ પર જ્યારે 100 કરોડ રૂપિયા ખર્ચ કરી શકાય છે. ત્યારે સંકટ સમયે કામદારોને મફત રેલવે મુસાફરીની સુવિધા કેમ આપી શકાતી નથી?
તેમણે ટ્વીટ કર્યું, 'મજદૂર રાષ્ટ્ર નિર્માતા છે. પરંતુ આજે તેઓ ઠેર ઠેર ભટકી રહ્યા છે.
પ્રિયંકાએ સવાલ ઉઠાવ્યો, 'જ્યારે અમે વિમાન દ્વારા ફસાયેલા ભારતીય નાગરિકોને મફતમાં પાછા લાવી શકીએ છીએ, જ્યારે નમસ્તે ટ્રમ્પ કાર્યક્રમ સરકારી ખજાનામાંથી 100 કરોડ રૂપિયા ખર્ચ કરી શકાય છે, જ્યારે રેલવે પ્રધાન પીએમ કેર્સ ફંડમાં 151 કરોડ આપી શકે છે. તો આ મુશ્કેલની ઘડીમાં મજૂરોને મફત રેલ મુસાફરીની સુવિધા કેમ આપી શકતા નથી?
કોંગ્રેસના મહાસચિવએ કહ્યું કે, "ભારતીય રાષ્ટ્રીય કોંગ્રેસે નિર્ણય લીધો છે કે તે ઘરે પરત ફરતા કામદારોની રેલ પ્રવાસનો સંપૂર્ણ ખર્ચ ઉઠાવશે."
મહત્ત્વની વાત એ છે કે કોંગ્રેસ અધ્યક્ષ સોનિયા ગાંધીએ સોમવારે કહ્યું હતું કે આ મજૂરોના પરત આવવાનો ખર્ચ પાર્ટીના રાજ્ય એકમો ઉપાડશે.
