વિપક્ષ મારી પર અભદ્ર ભાષામાં પ્રહારો કરે છે: વડાપ્રધાન મોદી

ન્યૂઝ ડેસ્ક: વડાપ્રધાન મોદીએ આજે કોંગ્રેસ અને વિપક્ષ પર સૌથી મોટો પ્રહાર કર્યો છે. તેમણે કહ્યું હતું કે, વિપક્ષ મને એટલી હદે અભદ્ર ભાષામાં પ્રહારો કરે છે હવે હું જવાબ આપુ તો તેઓ ગભરાઈ રહ્યા છે.

વડાપ્રધાન મોદીએ હરિયાણામાં એક રેલીને સંબોધન કરતા કહ્યું કે, વિપક્ષના નેતાઓ મને હિટલર કહે છે તો બીજા મને નાયાલક દિકરો કહે છે, એટલું જ નહીં મને લોહી પુરુષ, ઉંદર ન જાણે શું શું કહ્યું છે. કોંગ્રેસી નેતાઓ મને રાવણ, સાંપ, વીંછી, ખરાબ માણસ, ઝેર ફેલાવા વાળો પણ કહ્યો છે.

વડાપ્રધાને કહ્યું હતું કે, કોંગ્રેસી નેતાઓ મને ગંદી ગટરનો કીડો પણ કહ્યો છે, તો બીજા મને ગંગૂતેલી કહી રહ્યા છે. તેમના એક નેતાએ મને પાગલ કુતરો પણ કહ્યો છે, તો બીજા નેતા મને ભસ્માસૂર કહી રહ્યા છે. તેમના વધું એક પ્રધાને મને વાયરસ કહ્યો પણ કહ્યો હતો. તો અન્ય એક દાઉદ ઈબ્રાહિમનો દરજ્જો પણ આપ્યો હતો.

કોંગ્રેસના નામદાર જે રીતે પ્રેમની ડિક્શનરી બતાવી રહ્યા છે, તેના પર કોઈ સવાલ નથી કરતા. મને ગાળો આપતા અનેક વાર તેમની મર્યાદા ભૂલ્યા છે. તે પણ તેમની પ્રેમ ભરી ભાષામાંથી ખબર પડે છે.

મોદીએ વધુમાં કહ્યું હતું કે, તેમના મોટા મોટા નેતાઓએ મને માનસિક રીતે બિમાર ગણાવ્યો છે. નીચ આદમી પણ કહ્યો છે, અહીંયા સુધી કે ,મને એ પણ કહ્યું હતું કે, તમારા પિતા કોણ છે એ પણ નથી ખબર.