ઝારખંડમાં PM મોદીએ કહ્યું કે "જે રીતે પરિક્ષામાં નાપાસ થતાં બાળકો પેન, પેપર અને બેંચનુ બહાનું કાઢે છે એવી જ રીતે વિપક્ષ પોતાની હારનો ટોપલો EVM ને પહેરાવે છે. મોદીની નીંદા કરનારા અને અપશબ્દો બોલનારા હવે EVMની નીંદા કરે છે. બિચારી મશીનના નસીબમાં પણ વિપક્ષોના અપશબ્દો સાંભળવાનું લખ્યું છે. વિપક્ષે પાતાની હારને ટોપલો EVM ને પહેરાવવાનું શરૂ કરી દીધુ છે."
ઝારખંડમાં PM, કહ્યું- 'વિપક્ષ પોતાની હારનો ટોપલો EVMને પહેરાવે છે
ન્યુઝ ડેસ્કઃ વડાપ્રધાન નરેન્દ્ર મોદીએ ઝારખંડમાં રેલીને સંબોધતા કહ્યું કે આ લહેર નહી લલકાર છે, હવે તો વિરોધીઓ પણ બોલવા લાગ્યા છે કે 'ફરી એક વાર....!' PM મોદીએ વિરોધીઓ પર નિશાન સાધતાં કહ્યું કે, 300થી વધારે બેઠકો પર મતદાન થઈ ચુક્યું છે. હવે વિરોધી હારનો સ્વીકાર કરે!
ઝારખંડમાં PM મોદીનું જનતાને સંબોધન
વધુમાં PM મોદીએ કહ્યું કે, 'ભાજપ અને NDA સરકારના પ્રયાસોના પરિણામ સ્વરૂપે જ દેશમાં નક્સલ પ્રભાવિત જિલ્લાની સંખ્યામાં ઘટાડો થયો છે. જેનું પરિણામ ઝારખંડમાં પણ જોવા મળી રહ્યું છે, અને હવે સ્થિતિ હવે બદલાઈ રહી છે."
વિપક્ષ પર તીખા પ્રહારો કરતાં કહ્યું કે, "આ લોકો આપણી વીરો પર પ્રશ્નો ઉઠાવી રહ્યાં છે. અમારા વિરોધીઓ કહે છે કે, પાકિસ્તાનમાં હુમલો થયો તેની સાબિતી આપો, તો જ અમે માનીશું કે પાકિસ્તાનમાં આતંકીઓ પર હુમલો થયો છે. આ પ્રકારના સવાલો ઉભા કરી વિપક્ષ આપણા દેશના વીર જવાનોની નિયત પર, તેના પરાક્રમ પર શંકા કરી રહ્યાં છે."
નોંધનીય છે કે, ઝારખંડમાં મતદાન ચોથા તબક્કામાં યોજાનાર છે. ચોથા તબક્કાનુ મતદાન 29 એપ્રિલે રાજ્યની ત્રણ બેઠકો ચતરા, લોહારદગા અને પલામુમાં યોજાશે.