નિર્ભયા કેસઃ આરોપીઓના તમામ રસ્તાઓ બંધ, જાણો કોર્ટે શું આપ્યો અંતિમ નિર્ણય

પટીયાલા હાઉસ કોર્ટે નિર્ભયા ગેંગરેપ અને હત્યા મામલે બે આરોપીઓને ઝટકો આપ્યો છે. તિહાડ જેલ પ્રશાસને કોર્ટમાં કહ્યું નિર્ભયાના આરોપીઓ જાણી જોઈને આ મામલે મોડુ કરવા માગે છે.

નવી દિલ્હી: રાજધાની પટિયાલા હાઉસ કોર્ટે નિર્ભયા ગેંગરેપ અને હત્યા કેસમાં બે દોષિતોને ઝટકો આપ્યો છે. કોર્ટે અરજીનો નિકાલ કરતી વખતે કહ્યું કે, હવે કોઈ સૂચના આપવાની જરૂર નથી. ગુનેગારોની માગ પર, તિહાડ જેલ પ્રશાસને તમામ દસ્તાવેજો પૂરા પાડ્યા છે જેની માગ કરવામાં આવી હતી. જેલ પ્રશાસનના કહેવા મુજબ હજુ સુધી કોઈ દસ્તાવેજો આપવાના બાકી નથી.

આરોપી વિનયે જેલમાં લખી દરિંદા ડાયરી
સુનાવણી દરમિયાન જેલ પ્રશાસન વતી કોર્ટમાં કહેવામાં આવ્યું હતું કે દોષિતો દ્વારા માંગવામાં આવેલા દસ્તાવેજો તેમને આપવામાં આવ્યા છે. જેલ પ્રશાસકોએ નિર્ભયાના ગુનાની અરજી સંબંધિત દસ્તાવેજો વકીલ એ.પી.સિંઘને આપ્યા છે. જેમાં જેલમાં હતા ત્યારે વિનય દ્વારા લખેલી ડાયરી અને પેઇન્ટિંગ સામેલ છે. ડાયરીનું નામ દરિંદા ડાયરી છે.

ઇરાદાપૂર્વક વિલંબનો આરોપ
તિહાડ જેલ પ્રશાસને અદાલતમાં કહ્યું હતું કે, નિર્ભયાના આરોપીઓ જાણી જોઈને આ મામલામાં વિલંબ કરવા માગે છે અને તેમની અરજી તેને વિલંબ કરવા માટે માત્ર ચાલ છે અને બીજું કંઈ નહીં કારણ કે દસ્તાવેજો તેમને પહેલેથી જ આપવામાં આવ્યા છે.

અક્ષય અને પવને અરજી કરી હતી
અક્ષય અને પવન બંને આરોપીઓએ તેમના વકીલ એ.પી.સિંઘ મારફત દાખલ કરેલી અરજીમાં કહ્યું હતું કે, તિહાડ જેલ પ્રશાસને સુપ્રીમ કોર્ટમાં અરજી દાખલ કરવા માટે જરૂરી દસ્તાવેજો પૂરા પાડ્યા નથી.

ડેથ વોરંટ 17 જાન્યુઆરીએ જારી કરાયું હતું
તમને જણાવી દઇએ કે, 17 જાન્યુઆરીએ પટિયાલા હાઉસ કોર્ટે દોષિતોને ફાંસી આપવા માટે ડેથ વોરંટ જાહેર કર્યું હતું. કોર્ટે દોષિતોને 1 ફેબ્રુઆરીના રોજ સવારે 6 વાગ્યે ફાંસી આપવાનો આદેશ આપ્યો હતો. તે પહેલા પણ, પટિયાલા હાઉસ કોર્ટે 22 જાન્યુઆરીએ ફાંસી આપવા બદલ દોષિતો સામે ડેથ વોરંટ જારી કર્યું હતું.

આરોપી પવનની અરજી નામંજૂર
20 જાન્યુઆરીએ સુપ્રીમ કોર્ટે નિર્ભયાના દોષિત પવનની અરજી નામંજૂર કરી હતી. જસ્ટિસ ભાનુમતીની અધ્યક્ષતાવાળી બેંચે ગેંગરેપ અને હત્યા સમયે સગીર હોવાના તેમના દાવાને ફગાવી દીધો હતો.