મુંબઈ-ગોરખપુર અંત્યોદય એક્સપ્રેસ રેલવે ટ્રેક પરથી ઉતરી

મુંબઈ: મહારાષ્ટ્રમાં મુંબઈ-ગોરખપુર અંત્યોદય એક્સપ્રેસના બીજા ડબ્બાની એક ટ્રોલી સવારે રેલવે ટ્રેક પરથી ઉતરી ગઈ હતી. જેના કારણે સેન્ટ્રલ રેલવેની સેવા પર્વતીય ક્ષેત્રોમાં અસરગ્રસ્ત થઈ છે.

સેન્ટ્રલ રેલવેના એક અધિકારીએ જણાવ્યું કે, દુર્ધટના લગભગ 3:50ની આસપાસ કસારા અને ઈગતપુરી વચ્ચે થઈ હતી. વિગતો મુજબ, ટ્રેન મુંબઈના છત્રપતિ શિવાજી ટર્મિનસથી ઉત્તર પ્રદેશના ગોરખપુર જતી હતી.

વધુમાં અધિકારીએ જણાવ્યું કે, સામાન્ય આવનજાવનને પુનઃસ્થાપિત કરવા માટે પ્રયાસો શરૂ છે. ફક્ત ડાઉન લાઈનને અસર થઈ છે, મધ્ય લાઈન અને અપ લાઈન પર આવક-જાવક સામાન્ય છે.