ઉત્તર પ્રદેશઃ આંબેડકરનગર જિલ્લામાં 3 ઈસમોએ પૂર્વ તાલુકા પ્રમુખની હત્યા કરી હતી. જે બાદ ભડકેલી ભીડે આ બે આરોપીને માર માર્યો હતો. જેમાં બંન્ને આરોપીના મોત નીપજ્યા હતા. પોલીસે ત્રિજા આરોપીને જીવતો પકડી લીધો હતો. એક આરોપી પર પેટ્રોલ નાખીને લોકોએ સળગાવ્યો હતો. આ ઘટનાનો વીડિયો સોશિયલ મીડિયામાં વાયરલ થયો હતો. પોલીસના જણાવ્યા મુજબ 1 આરોપી પોલીસ એન્કાઉન્ટર અને 1 આરોપીને લોકોએ માર્યો છે.
ઈબ્રાહીમપુર પોલીસ સ્ટેશનની હદમાં આવતા ચિનગી ગામનો રહેવાસી ધર્મેન્દ્ર વર્મા શુક્રવારે બપોરે ઉતરેથૂ માર્કેટમાં સીડ સ્ટોરની દુકાન પર બેઠો હતો. આ સમયે ત્યાં પહોંચેલા ત્રણ હથિયારધારી ઈસમોએ ગોળી મારી ધર્મેન્દ્રની હત્યા કરી હતી. ઘટના સ્થળે હાજર પોલીસકર્મી રામભવન આરોપી સાથે ઘર્ષણ થયું હતું.
આ દરમિયાન આરોપીઓએ તેના પર પણ ફાયરિંગ કર્યું હતું. જેમાં રામભવનના હાથમાં ગોળી વાગી હતી. ગોળીબારનો અવાજ સાંભળીને આજૂબાજૂ લોકો એકઠા થઈ ગયા હતા. આ દરમિયાન ગુસ્સે ભરાયેલા લોકોએ બે આરોપીને પકડ્યા બાદ તેમને માર માર્યો હતો.