સેનાએ સરહદ પર આંતકવાદીઓને ઠાર કર્યા, જુઓ Video

નવી દિલ્હી: ભારતીય સેનાએ પાકિસ્તાનની સરહદમાંથી ઘુસણખોરોની કોશિશ નાકામ કરી છે. પાકિસ્તાનના ઘુસણખોરોએ ઓગસ્ટના પ્રથમ અઠવાડીયામાં ઘુસવાની કોશિશ કરી હતી. આ ઓપરેશનમાં સેનાએ 5 પાકિસ્તાનના ઘુસણખોરોને ઠાર કર્યાં છે. આજે તેનો વીડિયો સામે આવ્યો છે.

મળતી વિગતો પ્રમાણે સેનાએ કાશ્મીર કેરન સેક્ટરમાં પાકિસ્તાની સેનાની બેટ (બોડર એકશન ટીમ) અને આતંકવાદીઓની ધુસવાની કોશિશને નાકામ કરી દીધી છે અને ઘુસણખોરોને ઠાર કર્યા છે. સેના પ્રમાણે પાકિસ્તાનના બોર્ડર એકશન ટીમના જવાનો અને આંતકીઓને ભારતીય સરહદમાં ઘુસવાની કોશિશ કરી હતી, જેને સેનાએ નિષ્ફળ કરી દીધી છે. વીડિયોમાં પાંચ ઘુસણખોરોના મૃતદેહને જોઈ શકાય છે.

ઉલ્લેખનીય છે કે, અગાઉ સેનાએ કહ્યું હતું કે, પાકિસ્તાનની સેના ઘુસણખોરોથી ભારતમાં આતકવાદીઓને મોકલી રહી છે. આ સિવાય આંતકવાદીઓને હથિયારો પુરા પાડે છે.