નાણાકીય વર્ષ 2020માં 12.60-13.40 લાખ કરોડ જમા થઈ શકે છે GST

નવી દિલ્હીઃ રિસર્ચ તેમજ રેટિંગ કંપની કેર રેટિંગ્સના કહેવા અનુસાર ચાલુ નાણાકીય વર્ષ 2019-20માં GST 12.60 લાખ કરોડથી લઈને 13.40 કરોડ થઈ શકે છે.

આંકડાના વિશ્લેષણમાં રેટિંગ કંપનીએ જણાવ્યું હતું કે, GST સંગ્રહ એપ્રિલમાં સૌથી વધુ છે, જોકે તે 2019-20ના માસિક લક્ષ્યાંક કરતાં ઓછો છે.

રેટિંગ એજન્સીએ તેના અહેવાલમાં જણાવ્યું હતું કે, GSTના અમલીકરણને કારણે ચાલુ નાણાકીય વર્ષમાં લક્ષ્યાંક જાળવવા સરકારે GST સંગ્રહમાં રાહત રાખવી પડશે, કારણ કે GST અમલમાં મૂક્યા પછી સંગ્રહમાં અસ્થિરતા ચાલુ રહી છે.

એપ્રિલમાં GST કલેક્શન અગાઉના વર્ષના સમાન ગાળામાં 10.5 ટકા વધીને 1,13,865 કરોડ રૂપિયા નોંધાયું હતું, જે અત્યાર સુધીમાં સૌથી વધારે એકત્રિત રકમ છે. GST જુલાઈ 2017માં અમલમાં મૂકાયો હતો.

નાણાકીય વર્ષ 2018-19માં, સરેરાશ માસિક GST સંગ્રહ રુપિયા 98,114 કરોડ હતું, જે નાણાકીય વર્ષ 2017-18ના સરેરાશ સંગ્રહ કરતાં 9.2 ટકા વધારે છે.