પાકિસ્તાની જેલમાં માછીમારનું મૃત્યુ, 1 મહિના બાદ પણ પરિવારને નથી મળ્યો મૃતદેહ

ગીર સોમનાથઃ ભારત પાકિસ્તાનના વિવાદિત પ્રશ્નને લઇ પાકિસ્તાનની જેલમાં મૃત માછીદારોના મૃતદેહ તેમના પરિવારોને મહિનાઓ પછી પણ મળતા નથી. હાલમાં જ ગુજરાતના ગીર સોમનાથના પાલડી ગામના માછીમાર ભીખૂ બામનિયા જે 15 નવેમ્બર 2017ના રોજ પાકિસ્તાન નેવી દ્વારા પકડાયા હતા, તેમનું પાકિસ્તાનમાં 4 માર્ચ 2019ના રોજ અજ્ઞાત કારણે મૃત્યુ થયું હતું. જેને એક મહિનો પસાર થયા પછી પણ ભીખુના પરિવારને તેમનો મૃતદેહ મળ્યો નથી અને તેમનો પરિવારે શક્ય તેટલી વહેલી તકે તેમના મૃતદેહને ભારતમાં લાવવાની માંગણી કરી છે.

ગુજરાતની પાસે દેશનો સૌથી મોટો સમુદ્ર તટ છે અને તટ પરના તમામ જિલ્લાઓ અને તાલુકાઓ માછીમારી વ્યવસાય પર આધારિત રોજગારી પૂરી પાડે છે. ત્યારે ઘણીવાર માછીમારો લાલચમાં કે પછી દરિયાઇ લહેરમાં ભારતીય સમુદ્રી સીમા પાર કરી પાકિસ્તાન પહોંચી જાય છે. જેથી પાકિસ્તાની નેવી દ્વારા પકડી લેવામાં આવે છે અને ત્યાર પછી 1-2 વર્ષ પછી તેમને જેલમાંથી છોડવામાં આવે છે, પરંતુ મહત્વની વાત છે કે, જ્યારે કોઇ ભારતીય માછીમાર પાકિસ્તાનમાં બીમાર પડે ત્યારે તેને પૂરતી મેડિકલ સહાય આપવામાં આવતી નથી અને વહેલી તકે તેને છોડવામાં પણ આવતા નથી અને જ્યારે કોઇ માછીમારનું મૃત્યુ થઇ જાય તો તેની જાણ પરિવારને બીજા માછીમારની ચીઠ્ઠી દ્વારા જાણ થતી હોય છે.

ગીર સોમનાથ જિલ્લાના ઉનાના નાના ગામ પલડીના માછીમાર ભીખૂ બામનિયા જેને પાકિસ્તાન નેવી દ્વારા 15 નવેમ્બર 2017ના રોજ પકડી ગયા હતા. તેની અજ્ઞાત કારણોથી પાકિસ્તાન જેલમાં 4 માર્ચ 2019ના રોજ મૃત્યુ થયું હતું. જેની ગુજરાત ફિશરિઝ ડિપાર્ટમેન્ટ દ્વારા પરિવારને સત્તાવાર માહિતી આપવામાં આવી હતી, પરંતુ એક મહિના પસાર કર્યા પછી પણ મૃતદેહ ભારત પાછો આવ્યો નથી. ભીખુના મૃતદેહને ટૂંક સમયમાં ભારત લાવવા સરકારને વિનંતી કરી રહ્યા છે.