પ્રિયંકા ગાંધીએ UPના CM યોગી આદિત્યનાથની કરી પ્રશંસા

કોંગ્રેસ મહાસચિવ પ્રિયંકા ગાંધી વાડ્રાએ ઉત્તર પ્રદેશના મુખ્ય પ્રધાન યોગી આદિત્યનાથની પ્રશંસા કરતા કહયું કે, મજૂરોને અન્ય રાજ્યોમાંથી પરત લાવવા માટે CMએ જે પગલું ઉઠાવ્યું છે, તે સાર્થક છે અને UP સરકાર આ મુદ્દે સતત કાર્ય કરી રહી છે.

લખનઉઃ કોંગ્રેસ મહાસચિવ પ્રિયંકા ગાંધી વાડ્રાએ ઉત્તર પ્રદેશના મુખ્ય પ્રધાન યોગી આદિત્યનાથની પ્રશંસા કરતા કહયું કે, મજૂરોને અન્ય રાજ્યોમાંથી પરત લાવવા માટે CMએ જે પગલું ઉઠાવ્યું છે, તે સાર્થક છે અને UP સરકાર આ મુદ્દે સતત કાર્ય કરી રહી છે.

પ્રિયંકા ગાંધીએ ટ્વીટ કરતા લખ્યું કે, 'અન્ય રાજ્યોમાં ફસાયેલા UPના મજૂરોને પરત લાવવાની પહેલ પર ઉત્તર પ્રદેશ સરકારનો આભાર. અમે સતત આ મુદ્દા પર ધ્યાન રાખી રહ્યા છીએ અને આ દિશામાં એક સાર્થક પગલું છે.'

તેમણે કહ્યું કે, આ પુરી રીતે સફળ થવા માટે બાકી રહેલા મજૂરેને પરત લાવવા માટે પણ યોજના બનાવવી જરુરી છે. જો આ રીતે સકારાત્મક પગલાથી દેશના હિતમાં બધા કોઓપરેટ કરતા રહે તો કોરોના સામે લડવામાં તાકાત મળશે.

વધુમાં જણાવીએ તો CM યોગીએ નોડલ અધિકારીઓ સાથે બેઠક કરી હતી. આ બેઠકમાં તેમણે અન્ય રાજ્યોમાં ફસાયેલા પ્રદેશના મજૂરોને પરત લાવવા માટે પર્યાપ્ત પગલાઓ લેવા અને બીજા રાજ્યમાં કામ કરતા મજૂરોનું લિસ્ટ તૈયાર કરવા જણાવ્યું હતું.