સંસદ સત્ર બાદ CWCની બેઠક મળશે

નવી દિલ્હી : કોંગ્રેસ વર્કીંગ કમિટીની બેઠક સંસદ સત્રની પૂર્ણાહૂતિ બાદ યોજાશે. આ બેઠકનો કોઈ એજન્ડા નિશ્ચિત નથી. કોંગ્રેસના રાષ્ટ્રીય પ્રવક્તા રણદીપ સૂરજેવાલાએ મીડિયાને આ માહિતી આપી છે.

આ બેઠકમાં કોંગ્રેસના રાષ્ટ્રીય પ્રમુખ કોને બનાવવા તે ચર્ચા થઈ શકે છે. ઉપરાંત કોંગ્રેસની સરકાર લઘુમતીમાં આવી સરકાર ગુમાવી શકે તેવા મધ્યપ્રદેશ અને રાજસ્થાનમાં સરકાર ટકાવી રાખવા અંગે પણ ચર્ચા થઈ શકે છે. આ બેઠકમાં કોંગ્રેસ શાસિત રાજ્યોના મુખ્યપ્રધાન અને કોંગ્રેસના દિગ્ગજ નેતાઓ ઉપસ્થિત રહેશે.