બેંગ્લુરુમાં નિર્માણાધીન ઈમારત જમીનદોસ્ત થઈ, 6 લોકોનાં મૃત્યુ

બેંગ્લુરુ: કર્ણાટકના બેંગ્લુરુમાં મંગળવારની રાત્રે એક નિર્માણાધીન ઈમારત પડી ગઈ હતી. પુલકેશી શહેરમાં આ અકસ્માતમાં 6 લોકોના મોત થયા છે, જ્યારે 4 લોકો ઘાયલ થયા છે.

માહિતી અનુસાર, આ બિલ્ડિંગમાં 13 લોકો હતા. 3 લોકો હજુ પણ ઇમારતમાં ફસાયેલા છે. રાહત કામ ચાલુ છે. એવું નોંધાયું છે કે, બિલ્ડિંગના પડવાને કારણે આજુબાજુની ઇમારતને પણ નુકસાન પહોંચ્યુ હતુ. અકસ્માત પછી તુરંત જ ફાયર સર્વિસ, એનડીઆરએફ, એસડીઆરએફ અને નાગરિક સંરક્ષણ ટીમો જગ્યા પર હાજર થઈ ગઈ હતી. ઈજાગ્રસ્તોને સારવાર માટે હોસ્પિટલમાં મોકલવામાં આવ્યા હતા.