જે પી નડ્ડા બન્યા ભાજપના કાર્યકારી અધ્યક્ષ, અમિત શાહની ભલામણ બાદ લેવાયો નિર્ણય

ન્યૂઝ ડેસ્ક: ભારતીય જનતા પાર્ટીની દિલ્હીમાં આજે સંસદીય બોર્ડની બેઠક થઈ રહી છે. આ બેઠકમાં ભાજપના વરિષ્ઠ નેતા સુષ્મા સ્વરાજ ઉપરાંત કેન્દ્રીય પ્રધાન રાજનાથ સિંહ, નિતિન ગડકરી તથા થાવર ચંદ ગેહલોત અહીં બેઠકમાં પહોંચી ગયા છે.

ભાજપના વરિષ્ઠ નેતા જે પી નડ્ડાને સર્વસહમતીથી રાષ્ટ્રીય અધ્યક્ષ બનાવ્યા છે. આપને જણાવી દઈએ કે, અગાઉ આ પદ પર અમિત શાહ હતાં પણ તેઓ લોકસભા ચૂંટણી જીત્યા બાદ મોદી સરકારમાં મહત્ત્વની જવાબદારીના ભાગરૂપે ગૃહમંત્રાલય સંભાળી રહ્યા છે. ત્યારે સ્વાભાવિક છે આ પદ માટે ભાજપા પાર્ટીના સંવિધાન મુજબ એક પદના નિયમને ધ્યાને રાખી અમિત શાહ આ પદ પરથી હટી જઈ સરકારમાં નં.2 બની ગયા છે. ત્યારે હવે ભાજપના રાષ્ટ્રીય અધ્યક્ષ માટે ખાલી ભાજપે જે પી નડ્ડાની પસંદગી કરી છે.