BJP સંસદીય દળની બેઠક પૂર્ણ, જુઓ બેઠકમાં ક્યા મહત્વના મુદ્દાના લઈને થઈ ચર્ચા

નવી દિલ્હી: ભાજપ પક્ષની સંસદીય દળની હાલ બેઠક પૂર્ણ થઈ ગઈ છે. આ બેઠકમાં સામેલ થવા વડાપ્રધાન નરેંન્દ્ર મોદી સહિત સંસદો સંસદ ભવનની લાઇબ્રેરી બિલ્ડિંગ ખાતે પહોંચ્યા હતાં.

વડાપ્રધાને સંસદીય બેઠકમાં કહ્યું કે, મહાત્મા ગાંધીની 150મી જયંતી પર પદયાત્રાનું આયોજન કરવામાં આવશે. તેઓએ તમામ સંસદોને પદયાત્રા કરવાનું આયોજન કરવાનું કહ્યું છે. સૂત્રોના જણાવ્યાં અનુસાર આ પદયાત્રાનું 2 ઓક્ટોબરથી લઈને 31 ઓક્ટોબર સુધી આયોજન કરવામાં આવશે.

બેઠકમાં સામેલ થવા સંરક્ષણ પ્રધાન રાજનાથ સિંહ સહિત પક્ષના અન્ય નેતા પણ સંસદભવન પહોંચ્યા હતાં.

આપને જણાવી દઇએ કે 2 જુલાઇના રોજ સંસદીય બેઠક થઈ હતી. જે બેઠકમાં વડાપ્રધાન નરેંન્દ્ર મોદીએ સંસદમાં બંને ગૃહની નજીક 380 સાંસદો માટે કામનો એજન્ડા નક્કી કરી લીધો છે.

બેઠક શરુ થયા પહેલા ભાજપા અધ્યક્ષ અમિત શાહ, નિતિન ગડકરી, રાજનાથ સિંહ અને જે.પી. નડ્ડા સહિત અન્ય નેતાઓએ વડાપ્રધાનનું સ્વાગત કર્યુ હતું.