નવી દિલ્હી: દિલ્હીમાં કોરોનાનો આંકડો 1 લાખ 20 હજારને પાર કરી ગયો છે. પરંતુ આમાંથી 99 હજારથી વધુ લોકો સાજા થયા છે. દિલ્હી સરકાર કોરોનાને પરાજિત કરનારા આ લોકો માટે પ્લાઝ્મા દાન માટે સતત અપીલ કરી રહી છે અને લોકો આ માટે આગળ આવી રહ્યાં છે. આમ આદમી પાર્ટીના કાલકાજીના ધારાસભ્ય આતિશીને કોરોનાથી ચેપ લાગ્યો હતો અને કોરોનાને હરાવ્યા બાદ આજે તેમણે પ્લાઝ્મા દાન કર્યું હતું.
આતિશી ઉપરાંત, આમ આદમી પાર્ટીના પ્રવક્તા અક્ષય મરાઠે પણ કોરોનાથી સંક્રમિત થયા હતા. અને આજે તેમણે પ્લાઝ્મા દાન કર્યું હતું. પ્લાઝ્મા દાન પહેલાં, આ બંનેની સલાહ લેવામાં આવી હતી. તેમની હાલની સ્વાસ્થ્યની સ્થિતિ વિશે પૂછપરછ કરવામાં આવી હતી, તેઓએ જરૂરી ફોર્મ્સ ભર્યા અને પછી કેટલાક તબીબી પરીક્ષણો કરવામાં આવ્યા હતા. આ બંનેના એન્ટિજન ટેસ્ટ પણ કરવામાં આવ્યા હતા, જેનો રિપોર્ટ નેગેટિવ આવ્યા પછી ડોકટરોની ટીમે પ્લાઝ્મા ડોનેશન પ્રક્રિયા શરૂ કરી હતી.
આ દરમિયાન, ઇટીવી ભારત સાથેની વાતચીતમાં આતિશીએ કહ્યું હતું કે, પ્લાઝ્માનું દાન આપીને કોઈનો જીવ બચાવવામાં મહત્વની ભૂમિકા ભજવશે. આતિશીએ કહ્યું કે, તેમને કોરોનાના સાધારણ લક્ષણો છે અને ઘરના એકાંતમાં રહીને તેણે કોરોનાને હરાવ્યો હતો. આતિશીએ પ્લાઝ્મા દાનના મહત્વ વિશે જણાવ્યું હતું કે, કોઈપણને તેની જરૂર પડી શકે છે. તેમણે તેમના સાથીદાર અને પ્રધાન સત્યેન્દ્ર જૈનનું ઉદાહરણ પણ આપ્યું હતું.
2 જુલાઈએ ILBSની હોસ્પિટલમાં પ્લાઝ્મા બેંકની શરૂઆત કરવામાં આવી હતી. આતિશીએ કહ્યું કે, અત્યાર સુધીમાં 400થી વધુ લોકોએ અહીં પ્લાઝ્માનું દાન કર્યું છે. હવે એલએનજેપીમાં પણ પ્લાઝ્મા બેંક શરૂ થઈ ગઈ છે અને આગામી થોડા દિવસોમાં જીટીબી હોસ્પિટલમાં પણ પ્લાઝ્મા બેંક શરૂ થવાની છે. જો કે, હજુ સુધી લગભગ એક લાખ કોરોનાથી સાજા થયાં છે તેની સામે 400 આ સંખ્યાની સામે ખૂબ ઓછી છે.
આ અંગે આતિશીએ કહ્યું કે પ્લાઝ્મા દાન કરનારા લોકોની સંખ્યા વધવી જોઈએ. હું દરેકને પ્લાઝ્માનું દાન કરવા અનુરોધ કરું છું. તેમણે કહ્યું કે, પ્લાઝ્મા દાનમાં કોઈ સમસ્યા નથી, લોકોના મનમાં અનેક પ્રકારની ગેરસમજો છે, જેને દૂર કરવાની જરૂર છે. પ્લાઝ્મા દાનથી કોઈ નુકસાન નથી, જેના દ્વારા તમે કોઈનું જીવન બચાવી શકો છો.
