ફેસબુકીયા પ્રેમમાં ફસાયો યુવાન, ઈંડોનેશિયામાં બંધક બનાવાયો

જીંદઃ ફેસબુક પર પ્રેમ કરી હરિયાણાના જીંદના ઠાઠરવ ગામનો યુવાન ઈંડોનેશિયા તો પહોંચી ગયો પરંતુ ત્યાં પહોંચીને તે મુશ્કેલીમાં મુકાયો છે. સોશિયલ મીડિયા પર આ યુવાનનો એક ઓડિયો વાઈરલ થયા પછી તેના પરિવાર જનોને તે ફસાયો હોવાની જાણ થઈ હતી. તે સલામત રીતે ઘરે પરત આવે તે માટે તેના પરિવારના સભ્યોએ માગ કરી છે. ઓડિયોમાં ફસાયેલા યુવક ભીમસિંહે દાવો કર્યો હતો કે તેને બંધક બનાવાયો છે. તેમજ તેને માર મરાય રહ્યો છે.

આ અંગે ભીમસિંહની માતા રાજબાલાએ જણાવ્યુ હતું કે, ભીમસિંહ મલેશિયા રહીને આવ્યો હતો. ત્યારપછી તેને ફેસબુક પર ત અલીશા નામની યુવતી સાથે પ્રેમ થઈ ગયો હતો. ભીમસિંહે કહ્યુ હતું કે તે ઈંડોનેશિયા જશે અને અલીશા સાથે લગ્ન કરશે. તેણે ઈંડોનેશિયામાં જ સ્થાયી થવાની વાત કરી હતી. ભીમસિંહ સાથે તેમની 22 જુલાઈએ છેલ્લીવાર વાત થઈ હતી. 23 જુલાઈએ ઈંડોનેશિયા જવાનું કહ્યુ હતું. થોડા દિવસ પછી ભીમસિંહનો મેસેજ આવ્યો હતો કે, તે પરત આવી રહ્યો છે અને રસ્તામાં છે. તેમજ વારંવાર રાંચી તો ક્યારેક દિલ્હી હોવાનું કહેતો હતો.

31 ઓગષ્ટે તે ઘરે આવી જશે એમ જણાવ્યુ હતું. પરંતુ હવે ભીમસિંહનો ઓડિયો સામે આવ્યો છે. જેમાં તેે બોલે છે કે, તેને બંધક બનાવાયો છે. તેને ઈંજેક્શન અને બ્લેડ મરાય રહ્યા છે. તેને અસહ્ય પીડા અપાઈ રહી છે. તેના આ ઓડિયોથી પરિવાર ચિંતામાં મુકાયો છે. તેમણે પોલીસ અધિકારીને મળી પોતાના પૂત્રને પરત લાવવા મદદ માગી છે.