આજે 4 ફેબ્રુઆરીઃ વિશ્વ કેન્સર દિવસ

4 ફેબ્રુઆરી એટલે, વર્લ્ડ કેન્સર દિવસ. દર વર્ષે વિશ્વમાં 76 લાખ લોકોના મોત કેન્સરના કારણે થાય છે અને દિવસેને દિવસે તેમાં વધારો જોવા મળી રહ્યો છે. જેથી વિવિધ કાર્યક્રમો થકી લોકોમાં કેન્સર પ્રત્યે જાગૃતતા લાવવાના પ્રયાસો કરવામાં આવે છે.

ન્યૂઝ ડેસ્ક: 4 ફેબ્રુઆરી એટલે વર્લ્ડ કેન્સર દિવસ. આજની તારીખમાં સૌથી વધુ મૃત્યુ કેન્સરના કારણે થાય છે. જેથી આજના દિવસે વિવિધ કાર્યક્રમોનું આયોજન કરીને લોકોમાં કેન્સર પ્રત્યે જાગૃતતા ફેલાવવામાં આવે છે. હાલના સમયમાં વિશ્વમાં દર વર્ષે કેન્સરને કારણે 76 લાખ લોકોના મોત થાય છે. જેમાં 40 લાખ લોકો સમય પહેલા (30થી 69 વર્ષ) મૃત્યુ પામે છે. આ ઉપરાંત 2025 સુધીમાં કેન્સરને કારણે સમયથી પહેલા થતો મૃત્યુદર વધીને દર વર્ષે 60 લાખ થવાનું અનુમાન છે. આજની તારીખમાં મોઢું, ગર્ભાશય અને સ્તનના કેન્સરનું પ્રમાણ સૌથી વધુ જોવા મળે છે.

કેન્સરના લક્ષણો
દરેક રોગ થયાં પહેલાં તે રોગના લક્ષણો માનવ શરીરમાં પ્રવેશી જતાં હોય છે. કેન્સરના લક્ષણોની વાત કરીએ તો

1. સતત વજન ઉતરવું,
2. અવાજમાં ફેરફાર થવો,
3. સ્તનમાં સોજો કે ગાંઠ થવી,
4. ગળામાં ગાંઠ થવી,
5. મોઢામાં ચાંદુ,
6. ભુખ ન લાગવી,
7. મળ દ્વારમાંથી દુઃખાવા વગર લોહી નીકળવું,
8. ખોરાક ખાવામાં કે પાણી પીવામાં તકલીફ,
9. ચામડીના તલના કદ અને રંગમાં અચાનક ફેરફાર

કેન્સર થવાના મુખ્ય કારણો

1. ધુમ્રપાન,
2. તમાકુનું સેવન,
3. આહાર,
4. દારૂ,
5. મેદસ્વીતા,
6. વારસાગત અને ચેપી રોગોથી થવા
7. ગર્ભાશયના કેન્સર

કેન્સર અટકાવવા માટેના પગલાં

1. તમાકુ, વ્યસનનું સેવન છોડી દેવા
2. લીલા શાકભાજી અને ફળોનો ખોરાકમાં ઉપયોગ કરવા,
3. મેદસ્વીતા ઘટાડવા,
4. ફ્રોઝન ખોરાક ન લેવા,
5. શરીરનું વજન જાળવવા અને નિયમીત કસરત કરવી

કેન્સરની ગાંઠ થવાનું કારણ
માનવ શરીરના કોષો નિયમિત રીતે અને નિયંત્રીત તબકાવાર વિભાજીત થતા હોય છે, પરંતુ કોષો નિયંત્રણમાંથી છટકી અનિયમિત રીતે વિભાજન પામે તો શરીરમાં ગાંઠ બને છે. જેને કેન્સરની ગાંઠ કહેવામાં આવે છે. જેને રોકવામાં ન આવે તો તે ગાંઠ શરીરના અન્ય ભાગમાં પણ ફેલાય છે. સ્તન, પ્રોટેસ્ટ, ફેફસા, આંતરડા અને કીડનીના કેન્સરને અટકાવી શકાય છે. કેન્સરની સારવાર શસ્ત્રક્રિયા, કિમોથેરાપી અને રેડિયોથેરાપી થકી કરવામાં આવે છે. વહેલી તકે કેન્સરની સારવાર થવાથી કેન્સરનું યોગ્ય નિદાન શક્ય પણ છે.