ધૌલપુર :રાજસ્થાન ધૌલપુર જિલ્લામાં 12 વર્ષની સગીર બાળકી સાથે સામૂહિક બળાત્કારનો મામલો સામે આવ્યો છે. આ ઘટના બારી કોતવાલી પોલીસ સ્ટેશન વિસ્તારમાં 1 માર્ચ, 2023 ના રોજ બની હોવાનું માનવામાં આવે છે. આ બનાવ અંગે પોલીસ સ્ટેશનમાં ફરિયાદ કરવામાં આવી હતી. પરંતુ પોલીસે કોઇ કાર્યવાહી કરી ન હતી. તેનાથી વ્યથિત થઈને પીડિતાના પરિવારે કોર્ટની શરણ લીધી હતી. પ્રાર્થના પત્ર દ્વારા પીડિતાના પરિવારે આરોપીઓ વિરુદ્ધ સામૂહિક બળાત્કારનો કેસ દાખલ કર્યો છે.
શું હતો મામલો : કોર્ટમાં દાખલ કરવામાં આવેલી તપાસમાં 12 વર્ષની બાળકીની માતાએ જણાવ્યું કે, તે 1 માર્ચ 2023 ના રોજ તેની પુત્રી સાથે રૂમમાં સૂતી હતી. મહિલાનો પતિ બહાર કામે ગયો હતો. તે રાત્રે લગભગ સાડા અગિયાર વાગ્યાના અરસામાં ચાર શખ્સો તેના ઘરના દરવાજા પાસે આવ્યા હતા. તે રાત્રે પડોશના બે ભાઈઓ ધીરજ ગુર્જર અને કૌશલ ગુર્જરના પુત્ર પ્રેમ સિંહ ગુર્જરે અન્ય લોકો સાથે પહેલા દરવાજો ખટખટાવ્યો હતો. તેની 12 વર્ષની સગીર દિકરીએ વિચાર્યું કે તેનો ભાઈ દરવાજો ખખડાવી રહ્યો છે. તેથી તેણે દરવાજો ખોલ્યો. આરોપીએ બાળકીનું મોં કપડાથી બંધ કરીને તેનું અપહરણ કર્યું હતું. માતાનો આરોપ છે કે, થોડા સમય પછી જ્યારે તે જાગી તો તેણે જોયું કે તેની પુત્રી પથારીમાં નથી. આ આરોપીઓમાં બે ભાઈઓની ઉંમર 24 વર્ષ અને 21 વર્ષ છે.
બાળકીને ફેંકી ગયા આરોપી :માતાએ આજુબાજુમાં પુત્રીની ઘણી શોધ કરી, પરંતુ તેનો કોઈ ભાળ મળી ન હતી. બપોરે સાડા ત્રણ વાગ્યે આરોપી ધીરજ અને કૌશલ અન્ય બે સાથીદારો સાથે બાઇક પર આવ્યા હતા. બાળકીને બેભાન હાલતમાં ઘરની સામે છોડીને ભાગી ગયા હતા. ફરિયાદમાં આરોપ છે કે, યુવતીના કપડા ફાટી ગયા હતા અને તે બેહોશ હાલતમાં હતી. હોશમાં આવતાં જ બાળકીએ તેની માતાને સમગ્ર ઘટનાની જાણ કરી હતી. પુત્રી પર સામૂહિક બળાત્કારની વાત સાંભળીને માતા ચોંકી ઉઠી હતી.