Kinjal Dave: "ચાર ચાર બંગડી વાળી ગાડી..." ગીત કેસમાં કિંજલ દવેને રાહત, કેસ રદબાતલ કરાયો

ગુજરાતના ખ્યાતનામ લોકગાયિકા કિંજલ દવેને "ચાર ચાર બંગડી વાળી ગાડી..." ગીત કેસમાં રાહત મળી છે. તેમના વિરુદ્ધ આ ગીત બાબતે કેસ થયો હતો. જો કે આ કેસ આજે અમદાવાદ સિટી સિવિલ કોર્ટે રદબાતલ કરી દીધો છે. વાંચો સમગ્ર સમાચાર વિસ્તારપૂર્વક. Kinjal Dave Gujarati Folk Singer Char Char Bangdi Song Case Dismiss

અમદાવાદઃ "ચાર ચાર બંગડી વાળી ગાડી..." ગીતથી અત્યંત ખ્યાતિ પામનાર ગુજરાતી લોકગાયિકા પર આ ગીત માટે જ કોપી રાઈટનો કેસ દાખલ થયો હતો. જો કે હવે કિંજલ દવેને આ કેસમાં રાહત મળી છે. આ કેસ કરનાર તરફથી કોઈ પણ પ્રકારના પુરાવા પૂરા પાડી શકાયા નથી તેમજ કોપીરાઈટના હકો સાબિત કરી શક્યા નથી. તેથી અમદાવાદ સિટી સિવિલ કોર્ટે આ કેસ રદબાતલ કરી દીધો છે. આ કેસમાં કિંજલ દવેને રાહત મળી છે.

કોપી રાઈટ કેસઃ ગુજરાતની પ્રખ્યાત લોકગાયિકા "ચાર ચાર બંગડી વાળી ગાડી..." ગીત ગાઈને પ્રસિદ્ધિ પામ્યા હતા. જો કે આ ગીત અંગે કોપી રાઈટનો કેસ કિંજલ દવે વિરુદ્ધ દાખલ કરવામાં આવ્યો હતો. જેમાં રેડ રિબન એન્ટરટેઈનમેન્ટ પ્રા. લિ. કંપનીએ આ ગીત પર દાવો કર્યો હતો. જેમાં આ ગીતના કોપી રાઈટના હક્કો કંપની પાસે સુરક્ષિત હોવાનું જણાવાયું હતું. તેથી કિંજલ દવે કે અન્ય કોઈ ગાયક આ ગીત ગાઈ ન શકે કે કોઈ ડિજિટલ પ્લેટફોર્મ પર મુકી ન શકે તેવો દાવો કરવામાં આવ્યો હતો. આ કેસમાં કંપનીએ "ચાર ચાર બંગડી વાળી ગાડી..." ગીતના કોપી રાઈટ કાર્તિક પટેલ પાસેથી ખરીદેલા હોવાનું જણાવાયું હતું.

કોપી રાઈટ સાબિત ન થયોઃ અમદાવાદ સિટી સિવિલ કોર્ટમાં આ કેસ ચાલી રહ્યો હતો. જેમાં રેડ રિબન એન્ટરટેઈનમેન્ટ પ્રા. લિ. દ્વારા પોતે કરેલ કોપી રાઈટનો દાવો સાબિત કરવામાં નિષ્ફળ ગઈ હતી. તેથી કોર્ટે કિંજલ દવે સામે કરવામાં આવેલા આ કોપી રાઈટનો કેસ ખર્ચ સાથે રદબાતલ કરી દીધો. ટૂંકમાં રેડ રિબન એન્ટરટેઈનમેન્ટ પ્રા. લિ. દ્વારા કિંજલ દવે વિરુદ્ધ કરવામાં આવેલ કેસ ખર્ચ સાથે કાઢી નાંખવામાં આવ્યો છે. પોતે જ ગાયેલા "ચાર ચાર બંગડી વાળી ગાડી..." ગીત મામલે કિંજલ દવેને રાહત મળી છે.