GMERS મેડિકલ કોલેજે પરિપત્ર જાહેર કર્યો, રાત્રે બિનજરૂરી બહાર ન નીકળવા કરાઈ સૂચના - GMERS Medical College circular

કોલકાત્તાની આર.જી. કાર મેડિકલ કૉલેજની હૉસ્પિટલમાં ડૉક્ટર પર દુષ્કર્મ અને હત્યાને લઈને દેશભરમાં ભારે રોષ જોવા મળી રહ્યો છે. ગાંધીનગરની GMERS મેડિકલ કૉલેજ દ્વારા મહિલા ડૉક્ટરો અને વિદ્યાર્થીઓને સાવચેત રહેવા સૂચના આપવામાં આવી છે. આ મેડિકલ કૉલેજના ડીને વિદ્યાર્થીનીઓ માટે પરિપત્ર જાહેર કર્યો છે., GMERS Medical College released circular

ગાંધીનગર: ગાંધીનગરની GMERS મેડિકલ કૉલેજ દ્વારા મહિલા ડૉક્ટરો અને વિદ્યાર્થીઓને સાવચેત રહેવા સૂચના આપવામાં આવી છે. આ મેડિકલ કૉલેજના ડીને વિદ્યાર્થીનીઓ માટે પરિપત્ર જાહેર કર્યો છે. આ પરિપત્રમાં મહિલા ડૉક્ટરોને સુરક્ષા આપવાને બદલે પોતાની સંભાળ રાખવા જણાવ્યું છે. જોકે વિવાદ થતા હોસ્પિટલ તંત્ર દ્વારા પરિપત્ર રદ કરવામાં આવ્યો હોવાની પ્રાથમિક માહિતી પ્રાપ્ત થઈ છે.

GMERS મેડિકલ કોલેજે પરિપત્ર જાહેર કર્યો (ETV Bharat Gujarat)

ગાંધીનગર મેડિકલ કૉલેજના ડીન ડૉ. શોભના ગુપ્તાએ પરિપત્ર બહાર પાડીને મહિલા ડૉક્ટરો, વિદ્યાર્થીઓ અને સ્ટાફને રાત્રે બહાર ન નીકળવા અને જરૂર જણાય તો કોઈને સાથે લઈ જવા જણાવ્યું છે. હોસ્ટેલમાં પણ મહિલા કે પરિચિત સહકર્મચારી સાથે રહો. એવું પણ કહેવામાં આવ્યું છે કે જો કોઈ અપ્રિય પરિસ્થિતિ હોય તો મહિલા હેલ્પલાઇન 181 પર ફોન કરો.

પરિપત્રને લઈને કૉલેજના મહિલા ડૉક્ટરો અને વિદ્યાર્થીઓમાં અસંતોષ જોવા મળી રહ્યો છે. તેમનું કહેવું છે કે ડીનના આદેશમાં તેમની સુરક્ષા માટે શું વ્યવસ્થા કરવામાં આવી છે તેનો ઉલ્લેખ નથી. ઉલટાનું તેમને સૂચના આપવામાં આવી છે. તેઓનું કહેવું છે કે, 'ઇમરજન્સીમાં ગમે ત્યારે બહાર જવું પડે છે. આવી સ્થિતિમાં એકલા જવું પડે છે. મેડિકલ કૉલેજ પ્રશાસને તેમની સુરક્ષા માટે પગલાં લેવા જોઈએ. તે આ જવાબદારી ટાળવાનો પ્રયાસ કરી રહ્યો છે. કૉલેજ મેનેજમેન્ટે સમગ્ર કેમ્પસમાં સુરક્ષા કડક કરવી જોઈએ અને અજાણ્યા લોકો પર નજર રાખવી જોઈએ.