ગુજરાતમા પ્રથમ માનવીય સહાયતા અને આપત્તિ રાહત વર્કશોપનું આયોજન (Etv Bharat Gujarat) પોરબંદર: ભારતીય નૌકાદળે 10-11 જૂન 2024 ના રોજ નેવલ બેઝ પોરબંદર ખાતે ગુજરાત માટે પ્રથમ માનવીય સહાયતા અને આપત્તિ રાહત (HADR) વર્કશોપનુ આયોજન કર્યું હતું. આ વર્કશોપ મુખ્ય મથક ગુજરાત દમણ અને દીવ નેવલ એરિયા દ્વારા આયોજિત કરવામાં આવ્યો હતો. અને તેનો ઉદ્દેશ્ય માહિતીની આપ-લે કરવા અને શ્રેષ્ઠ પ્રથાઓની આપ-લે કરવાનો હતો. ગુજરાતમાં કુદરતી આફતો અને આપત્તિ વ્યવસ્થાપન સાથે કામ કરતી વિવિધ એજન્સીઓ, વર્કશોપમાં વિવિધ રાજ્ય અને કેન્દ્રીય એજન્સીઓ જેમ કે નેશનલ ડિઝાસ્ટર મેનેજમેન્ટ ઓથોરિટી, ભારતીય હવામાન વિભાગ, ભારતીય અવકાશ સંશોધન સંસ્થા, નેશનલ ડિઝાસ્ટર રિસ્પોન્સ ફોર્સ અને ગુજરાત સ્ટેટ ડિઝાસ્ટર મેનેજમેન્ટ ઓથોરિટી ઉપરાંત સશસ્ત્ર દળોના કર્મચારીઓએ ભાગ લીધો હતો. તમામ એજન્સીઓ વચ્ચે અસરકારક સહયોગ: ગુજરાત સરકારના મુખ્ય સચિવ રાજ કુમારે વર્કશોપમાં મુખ્ય સંબોધન કર્યું હતું અને વર્કશોપ દરમિયાન બહુપક્ષીય ચર્ચાઓ દ્વારા હાંસલ કરેલ તાલમેલ પર ટિપ્પણી કરી હતી. રિઅર એડમિરલ અનિલ જગ્ગી, ફ્લેગ ઓફિસર કમાન્ડિંગ દમણ અને દીવ નેવલ એરિયાએ ઓપનિંગ એડ્રેસમાં ઈન્ડિયન ઓશન રિજનમાં પ્રથમ પ્રતિસાદ આપનાર અને પસંદગીના સુરક્ષા ભાગીદાર તરીકે ભારતીય નૌકાદળની ભૂમિકા પર પ્રકાશ પાડ્યો હતો અને પરસ્પર સમજણ, તાલમેલ અને તાલમેલની જરૂરિયાત પર ભાર મૂક્યો હતો. તેમણે જણાવ્યુ હતું કે, તમામ એજન્સીઓ વચ્ચે અસરકારક સહયોગ પ્રાપ્ત થઈ રહ્યો છે.
સ્ટાન્ડર્ડ ઓપરેટિંગ પ્રોસીજર્સ (SOPs): વર્કશોપ દરમિયાનની ચર્ચાઓમાં જોખમ ઘટાડવાનાં પગલાં અને વિવિધ એજન્સીઓ દ્વારા અનુસરવામાં આવતા સ્ટાન્ડર્ડ ઓપરેટિંગ પ્રોસીજર્સ (SOPs) અંગે સહભાગીઓને માહિતગાર કરવા સહિત સીમલેસ આંતરકાર્ય ક્ષમતા હાંસલ કરવા માટેના વિવિધ પાસાઓને આવરી લેવામાં આવ્યા હતા. વર્કશોપ ટેબલ ટોપ એક્સરસાઇઝ સાથે સમાપ્ત થઈ જેમાં વિવિધ આકસ્મિક પરિસ્થિતિઓના સંભવિત પ્રતિભાવો પર વિચાર મંથન પણ કરવામાં આવ્યું હતું.
આ કાર્યક્રમમાં પોરબંદર બંદર પર ભારતીય નૌકાદળના સ્વદેશી નિર્મિત નેક્સ્ટ જનરેશનના વેસ્ટર્ન નેવલ કમાન્ડ, એટલે કે INS ઇમ્ફાલ અને INS ચેન્નાઇ પણ સાથે જોડાયા હતા.
- પાઠ્યપુસ્તકના ચિત્રો જોઈને પ્રેરણા મેળવનાર શિક્ષક આજે પોતે પાઠ્યપુસ્તકના મુખ્ય પેજના ચિત્રો બનાવે છે, જાણો - story of Bhavnagar painter
- મોદી મંત્રીમંડળ 3.0: ગુજરાતના છ સાંસદોને સ્થાન મળ્યું, ચાલો જાણીએ ગુજરાતના કેન્દ્રીય મંત્રીઓ વિશે... - PM Modi Cabinet
