દક્ષિણ આફ્રિકા: ક્રિકેટના મેદાનમાં કેશ પકડવું એ ખૂબ જ સામાન્ય બાબત છે, પરંતુ જ્યારે કોઈ કેચ કોઈને ધનવાન બનાવી દે છે ત્યારે શું થાય છે? એક કેચ તમને 90 લાખ આપશે. હા, દક્ષિણ આફ્રિકાની T20 લીગમાં પણ કંઈક આવું જ બન્યું છે. જ્યાં એક કેચે સોશિયલ મીડિયા પર ધૂમ મચાવી દીધી છે. આ કેચ બીજા કોઈનો નહીં પણ ન્યુઝીલેન્ડના ભૂતપૂર્વ કેપ્ટન કેન વિલિયમસનનો છે.
SA T20 લીગમાં ડર્બન સુપર જાયન્ટ્સ અને પ્રિટોરિયા કેપિટલ્સ વચ્ચે એક મેચ રમાઈ હતી. આ મેચમાં, કેન વિલિયમસન ડરબન તરફથી ત્રીજા નંબરે બેટિંગ કરવા આવ્યો હતો. તેણે 40 બોલમાં 3 ચોગ્ગા અને 2 છગ્ગાની મદદથી અણનમ 60 રન બનાવ્યા. તેમનો એક કેચ ચર્ચાનો વિષય બન્યો, જે હવે સોશિયલ મીડિયા પર વાયરલ થઈ રહ્યો છે.
એક કેચે ભાગ્ય બદલી નાખ્યું
ઇનિંગ્સની 17મી ઓવરમાં પ્રિટોરિયા કેપિટલ્સના ફાસ્ટ બોલર એથન બોશના ધીમા બોલ પર વિલિયમસને ફુલ શોટ માર્યો અને તે સિક્સર હતી. બોલ મેદાનની બહાર ગયો. આ દરમિયાન, સ્ટેન્ડમાં હાજર એક ચાહકે એક હાથે શાનદાર કેચ પકડ્યો. આ કેચ પકડ્યા બાદ તે ચાહકનું જીવન બદલી ગયું.
ટુર્નામેન્ટમાં, જો કોઈ દર્શક મેદાનની બહાર એક હાથે કેચ પકડે છે, તો તેને ઈનામની રકમ આપવામાં આવશે. ઈનામની રકમ 90 લાખ રૂપિયા (20 લાખ દક્ષિણ આફ્રિકન રેન્ડ) હશે. ટુર્નામેન્ટના નિયમો અને શરતો અનુસાર, જો 18 વર્ષથી વધુ ઉંમરનો દર્શક એક હાથે છગ્ગો પકડે છે, તો તેને દસ લાખ (1 મિલિયન) રેન્ડ આપવામાં આવશે. જે દર્શકે કેચ પકડ્યો છે તે ટાઇટલ સ્પોન્સરનો ક્લાયન્ટ હોવો જોઈએ. મેચ પહેલા જો એમ હોય, તો ઇનામની રકમ બમણી કરવામાં આવશે.
આ મેચ દરમિયાન, જ્યારે આ દર્શકે વિલિયમસનનો કેચ લીધો, ત્યારે કોમેન્ટેટર માર્ક નિકોલસે કહ્યું, 'શું આ માણસ ક્રિકેટ રમે છે?' જો તે રમે છે, તો ઈનામની રકમ ત્રણ ગણી કરો. આ એક અદ્ભુત કેચ છે'. મેચમાં પ્રથમ બેટિંગ કરતા, ડર્બન સુપર જાયન્ટ્સે 20 ઓવરમાં 4 વિકેટ ગુમાવીને 209 રન બનાવ્યા. આ લક્ષ્યનો પીછો કરતા, પ્રિટોરિયા કેપિટલ્સ 20 ઓવરમાં 6 વિકેટ ગુમાવીને 207 રન બનાવી શક્યા અને મેચ 2 રનથી હારી ગયા.
આ પણ વાંચો:
- પાકિસ્તાનના નદીમને પાછળ છોડી નીરજ ચોપરાને મળ્યો 2024ના શ્રેષ્ઠ ભાલા ફેંકનારનો ખિતાબ
- દુઃખદાયી ઘટના: પાણીમાં મેળવ્યા ને આગમાં ગુમાવ્યા, 10 ઓલિમ્પિક મેડલ આગમાં બળીને ખાક
