ગકબરહા: ગુજરાત ટાઈટન્સના સ્ટાર ખેલાડી રાશીદ ખાને ક્રિકેટ ઇતિહાસના પન્ને પોતાનું નામ નોંધાવી લીધું છે. તે ટી20 ક્રિકેટમાં સૌથી વધુ વિકેટ લેનાર બોલર બની ગયો છે. 26 વર્ષનો લેગ સ્પિનર રાશીદે SA20 પ્રથમ ક્વોલિફાયર મેચ દરમિયાન પર્લ રોયલ્સ વિરુદ્ધ વેસ્ટ ઈન્ડિઝના દિગ્ગજ ખેલાડી ડ્વેન બ્રાવોના 631 વિકેટના રેકોર્ડને પાછળ છોડી દીધો છે. રાશિદે મેચમાં બે વિકેટ લઈ 2-33 ના આંકડા સાથે સમાપ્ત કર્યું. તેનો નોંધપાત્ર સ્કોર હવે માત્ર 461 મેચોમાં 18.08 ની પ્રભાવશાળી સરેરાશથી 633 વિકેટો પર પહોંચી ગયો છે. અગાઉ આ રેકોર્ડ ધરાવનાર બ્રાવોએ 582 મેચ રમીને 24.40 ની સરેરાશથી 631 વિકેટ લીધી હતી.
વર્ષ 2015માં ટી20માં ડેબ્યૂ કર્યું ત્યારથી રાશિદ સૌથી નાની વયે પ્રભાવશાળી બોલર તરીકે સામે આવ્યો છે. દુનિયા ભરની ટી20 લીગમાં તેની ઘાતક લેગ - સ્પિન અને ઝડપી બોલિંગ કરવાની ક્ષમતાએ બોલરોમાં તેની માંગ વધારી દીધી છે.
તે ઇન્ડિયન પ્રીમિયર લીગ (IPL),બિગ બેશ લીગ (BBL),કેરેબિયન પ્રીમિયર લીગ (CPL),પાકિસ્તાન સુપર લીગ (PSL)અને ઇંગ્લેન્ડની ધ હન્ડ્રેડ સહિત વિવિધ લીગમાં રમી ચૂક્યો છે. નોંધનીય છે કે, રાશિદ સનરાઇઝર્સ હૈદરાબાદ અને તેની વર્તમાન ટીમ - IPLમાં ગુજરાત ટાઇટન્સ, BBLમાં એડિલેડ સ્ટ્રાઇકર્સ અને વાઇટાલિટી બ્લાસ્ટમાં સસેક્સ શાર્ક્સ માટે મુખ્ય ખેલાડી રહ્યો છે.
મેચ પૂર્ણ થયા બાદ રાશિદે આ સિદ્ધિ પર ગર્વ વ્યક્ત કરતાં કહ્યું કે, "આ એક મોટી સિદ્ધિ છે. મેં ક્યારેય આ વિચાર્યું ન હતું કે જો તમે મને 10 વર્ષ પહેલાં પૂછ્યું હોત કે તમે શું કરવા ,માંગો છો તો મે આ ક્યારેય વિચાર્યું ન હતું. અફઘાનિસ્તાનથી હોવું અને એવા સ્તરે હોવું જ્યાં તમે ટેબલમાં ટોચ પર હોવ, તે મારી માટે ગર્વની લાગણી છે,"