પ્લેઓફમાં કોણ પહોંચશે, CSK કે RCB, જાણો સંપૂર્ણ સમીકરણ - CSK AND RCB PLAYOFF SCENARIO

IPL 2024ના પ્લેઓફમાં 3 ટીમો પહેલાથી જ જગ્યા બનાવી ચૂકી છે. હવે એક સ્થાન માટે RCB અને CSK વચ્ચે મુકાબલો થશે. તો ચાલો જાણીએ કે, કઈ ટીમ પ્લેઓફમાં જગ્યા બનાવી શકે છે.

નવી દિલ્હી:IPL 2024 ના પ્લેઓફમાં સ્થાન મેળવવા માટે 18 મે (શનિવાર) ના રોજ રોયલ ચેલેન્જર્સ બેંગ્લોર અને ચેન્નાઈ સુપર કિંગ્સ ની ટીમો વચ્ચે જંગ થવાની છે. ઈન્ડિયન પ્રીમિયર લીગની 17મી સીઝનમાં કોલકાતા નાઈટ રાઈડર્સ, રાજસ્થાન રોયલ્સ અને સનરાઈઝર્સ હૈદરાબાદની ટીમોએ પ્લેઓફમાં પોતાનું સ્થાન પહેલેથી જ નિશ્ચિત કરી દીધું છે. હવે પ્લેઓફમાં પહોંચવા માટે માત્ર 1 સ્થાન બાકી છે, જેના માટે RCB અને CSK વચ્ચે જોરદાર મુકાબલો થવાનો છે. તો આ બંનેમાંથી કઈ ટીમ પ્લેઓફમાં જગ્યા બનાવવા જઈ રહી છે, આજે અમે તમને તેના વિશે જણાવવા જઈ રહ્યા છીએ.

CSK સરળતાથી પ્લેઓફમાં જગ્યા બનાવી શકે છે: CSK RCBને હરાવીને IPL 2024 ના પ્લેઓફમાં સરળતાથી જગ્યા બનાવી શકે છે. હાલમાં ચેન્નાઈ સુપર કિંગ્સ પાસે 13 મેચમાં 7 જીત અને 6 હાર સાથે 14 પોઈન્ટ છે. હવે તેઓ RCBને હરાવીને સરળતાથી પ્લેઓફમાં જગ્યા બનાવી લેશે. આ સાથે જો ચેન્નાઈ મેચ હારી જાય તો પણ તે પ્લેઓફમાં જગ્યા બનાવી શકે છે પરંતુ તેના માટે તેણે પોતાનો રન રેટ RCB કરતા ઊંચો રાખવો પડશે.

જીત્યા બાદ RCB પ્લેઓફમાં કેવી રીતે પહોંચી શકે છે: પ્લેઓફમાં જગ્યા બનાવવા માટે RCBએ CSKને મોટા માર્જિનથી હરાવવું પડશે. હાલમાં બેંગલુરુના 13 મેચમાં 6 જીત અને 7 હાર સાથે 12 પોઈન્ટ છે. RCB CSK ને હરાવીને 14 પોઈન્ટ મેળવશે પરંતુ તેનો રન રેટ હાલમાં 0.387 છે જે ચેન્નાઈના 0.528 રન રેટ કરતા ઓછો છે. આવી સ્થિતિમાં, જીત સિવાય, RCBને ઘણા સમીકરણો પૂરા કરવા પડશે જેના અનુસાર તે CSKને પાછળ છોડી શકે છે અને પ્લેઓફમાં જગ્યા બનાવી શકે છે.

RCB માટે પ્રથમ બેટિંગ કરીને પ્લેઓફમાં પહોંચવાના સમીકરણો

RCBએ 20 ઓવરમાં 200 રન બનાવ્યા અને CSKને 182 રન સુધી મર્યાદિત કરી.

RCBએ 18 ઓવરમાં 190 રન બનાવ્યા અને CSKને 172 રન પર રોકી દીધી.

RCBએ 15 ઓવરમાં 170 રન બનાવ્યા અને CSKને 152 રન સુધી મર્યાદિત કરી.

RCB માટે પ્રથમ બોલિંગ કરીને પ્લેઓફમાં પહોંચવાના સમીકરણો

CSKએ 20 ઓવરમાં 201 રન બનાવ્યા અને RCBએ 18.1 ઓવરમાં ટાર્ગેટ હાંસલ કર્યો.

CSKએ 18 ઓવરમાં 191 રન બનાવ્યા અને RCBએ 16.1 ઓવરમાં ટાર્ગેટ હાંસલ કરી લીધો.

CSKએ 15 ઓવરમાં 171 રન બનાવ્યા અને RCBએ 13.1 ઓવરમાં લક્ષ્ય હાંસલ કરી લીધું.

CSKએ 10 ઓવરમાં 131 રન બનાવ્યા અને RCBએ 8.1 ઓવરમાં ટાર્ગેટ હાંસલ કરી લીધો.