'હાર્ટ બ્રેક'... 1 રનથી સદી ચૂક્યો રિષભ પંત, 12 વર્ષ બાદ ભારતીય ક્રિકેટમાં આવું બન્યું, જાણો...

ભારતીય ટીમના વિકેટકીપર બેટ્સમેન રિષભ પંતે ન્યૂઝીલેન્ડ સામે સદી ફટકારીને ટીમને મુશ્કેલ પરિસ્થિતિમાં સંભાળી હતી. IND VS NZ 1ST TEST MATCH

નવી દિલ્હીઃ ભારત અને ન્યૂઝીલેન્ડ વચ્ચે રમાઈ રહેલી પ્રથમ ટેસ્ટમાં ભારતીય ટીમનો વિકેટકીપર બેટ્સમેન ઋષભ પંત સદી કરતાં ચૂકી ગયો હતો. મેચના ચોથા દિવસે મુશ્કેલ પરિસ્થિતિમાં ભારત માટે બેટિંગ કરતી વખતે પંતે પહેલા સરફરાઝ ખાનનો સાથ આપ્યો, પછી એક પછી એક શાનદાર શોટ રમ્યો અને 99 રનની ઇનિંગ રમી. જોકે, પંત તેની સદી પૂરી કરવામાં ચૂકી ગયો હતો.

99 પર આઉટ:

રિષભ પંત 99 રન પર બેટિંગ કરી રહ્યો હતો અને સદી માટે એક રનની શોધમાં શોટ રમતા તે બોલ્ડ થયો હતો. કિવી બોલર ઓ’રર્કે તેને 99 રનના સ્કોર પર બોલ્ડ આઉટ કર્યો હતો. આ સાથે પંતે વિકેટ કીપર બેટ્સમેન તરીકે સૌથી ઝડપી 2500 રન બનાવવાનો રેકોર્ડ બનાવ્યો હતો. પંતે 36 મેચ અને 62 ઇનિંગ્સમાં આ સિદ્ધિ મેળવી હતી.

પંતે ધોનીનો રેકોર્ડ તોડ્યો:

આ પહેલા એમએસ ધોનીએ 69 ઇનિંગ્સમાં વિકેટકીપર તરીકે આ રેકોર્ડ પોતાના નામે કર્યો હતો. પંતે 62 ઇનિંગ્સમાં આ સિદ્ધિ મેળવી હતી. પંતે સરફરાઝ ખાન સાથે મળીને 99 રનની ઇનિંગ રમી જેમાં 5 સુંદર છગ્ગા અને 9 ચોગ્ગા સામેલ હતા. આ સાથે પંત સદીના મામલામાં એમએસ ધોનીને પાછળ છોડવાનું ચૂકી ગયો. બંનેના નામે વિકેટકીપર તરીકે 6 સદી છે.

મેચની વાત કરીએ તો ભારતે પ્રથમ દાવમાં 46 રનમાં આઉટ થયા બાદ બીજી ઇનિંગમાં શાનદાર વાપસી કરી હતી. સરફરાઝ ખાને ભારત તરફથી 150 રનની સદીની ઇનિંગ રમી હતી. આ સાથે જ રોહિત શર્મા (52) અને વિરાટ કોહલી (70)એ પણ શ્રેષ્ઠ સમયે અડધી સદી ફટકારી હતી.

ચોથા દિવસે આ દાવના કારણે ભારતે ન્યૂઝીલેન્ડની 356 રનની લીડ પૂરી કરી અને ચાના સમય સુધી 82 રનની લીડ મેળવી લીધી. જો કે, ચાના સમય સુધીમાં કેએલ રાહુલના રૂપમાં ભારતે તેની છઠ્ઠી અને જાડેજાના રૂપમાં 7મી વિકેટ ગુમાવી દીધી છે.

ઋષભ પંતની ટેસ્ટ કારકિર્દીમાં આ પ્રથમ વખત છે જ્યારે તે 99 રન પર આઉટ થયો હોય. દરમિયાન, ભારતીય ટેસ્ટ ક્રિકેટમાં 12 વર્ષ બાદ કોઈ વિકેટકીપર બેટ્સમેન 99 રન બનાવીને આઉટ થયો છે. આ પહેલા 2012માં એમએસ ધોની 99 રન પર આઉટ થયો હતો. ઈંગ્લેન્ડ સામેની ટેસ્ટ મેચમાં ધોની 99 રન બનાવીને રનઆઉટ થયો હતો. હવે 12 વર્ષ પછી પંત સાથે આવું બન્યું છે. આ સિવાય ઋષભ પંત ટેસ્ટમાં 99 રન બનાવીને આઉટ થનાર પાંચમો ભારતીય બેટ્સમેન બની ગયો છે. પંત અને ધોની ઉપરાંત મુરલી વિજય, વીરેન્દ્ર સેહવાગ અને સૌરવ ગાંગુલી સાથે પણ આવું બન્યું છે.

આ પણ વાંચો: