પટિયાલા હાઉસ કોર્ટે અભિનેતા ધર્મેન્દ્ર સામે સમન્સ જારી કર્યું, ગરમ ધરમ ઢાબાના મામલે થશે પૂછપરછ

દિગ્ગજ અભિનેતા ધર્મેન્દ્ર સામે પટિયાલા હાઉસ કોર્ટે સમન્સ જારી કર્યું છે. ગરમ ધરમ ઢાબામાં રોકાણનો મામલે પૂછપરછ કરવામાં આવશે.

નવી દિલ્હી:દિલ્હીની પટિયાલા હાઉસ કોર્ટે તાજેતરમાં જ છેતરપિંડીના કેસમાં દિગ્ગજ બોલિવૂડ અભિનેતા ધર્મેન્દ્ર સામે સમન્સ જારી કર્યું છે. અભિનેતા ધર્મેન્દ્ર ઉપરાંત અન્ય બે લોકોને પણ સમન્સ પાઠવવામાં આવ્યા છે. આ મામલો 'ગરમ ધરમ ઢાબા' ફ્રેન્ચાઇઝી સાથે સંબંધિત છે.

જ્યુડિશિયલ મેજિસ્ટ્રેટ (પ્રથમ વર્ગ) યશદીપ ચહલ દ્વારા જારી કરાયેલ સમન્સ, દિલ્હી સ્થિત વેપારી સુશીલ કુમારની ફરિયાદ પર આધારિત છે, જેમણે આરોપ લગાવ્યો હતો કે તેમને ફ્રેન્ચાઇઝીમાં રોકાણ કરવાની લાલચ આપવામાં આવી હતી.

ન્યાયાધીશે 5 ડિસેમ્બરે પસાર કરેલા સમન્સ ઓર્ડરમાં જણાવ્યું હતું કે, "પ્રથમ દૃષ્ટિએ રેકોર્ડ પરના પુરાવા સૂચવે છે કે આરોપી વ્યક્તિઓએ તેમના ઇરાદાને આગળ વધારવા માટે ફરિયાદીને પ્રેરિત કર્યા હતા અને છેતરપિંડીના ગુનાના તત્વોને યોગ્ય રીતે જાહેર કરવામાં આવ્યા છે," જે પછી આરોપી વ્યક્તિઓ નંબર 1 (ધરમ સિંહ દેઓલ), 2 અને 3 ને કલમ 420, 120B કલમ 34 IPC હેઠળ ગુનો કરવા માટે બોલાવવામાં આવ્યા હતા. આરોપી નંબર 2 અને 3 ને પણ IPCની કલમ 506 હેઠળ ફોજદારી ધમકીના ગુના માટે સમન્સ પાઠવવામાં આવ્યા છે," તમને જણાવી દઈએ કે, કેસની આગામી સુનાવણી 20 ફેબ્રુઆરી, 2025ના રોજ થશે.

9 ઑક્ટોબર, 2020 ના રોજ કોર્ટે એફઆઈઆર નોંધવાના નિર્દેશોની માંગ કરતી અરજીને ફગાવી દીધી હતી. જો કે, કોર્ટે ફરિયાદની નોંધ લીધી હતી અને ફરિયાદીને પુરાવા રજૂ કરવા નિર્દેશ આપ્યો હતો. ફરિયાદી સુશીલ કુમાર વતી એડવોકેટ ડીડી પાંડે હાજર રહ્યા હતા.

વેપારીને લાલચ આપીને છેતર્યાનો આરોપ:ફરિયાદીના જણાવ્યા અનુસાર, એપ્રિલ 2018ના મહિનામાં સહ-આરોપીઓએ ઉત્તર પ્રદેશના NH-24/NH-9 પર ગરમ ધરમ ઢાબાની ફ્રેન્ચાઇઝી ખોલવાની દરખાસ્ત સાથે તેમનો સંપર્ક કર્યો હતો. ફરિયાદીને કથિત રીતે ફ્રેન્ચાઈઝીમાં રોકાણ કરવાની લાલચ આપવામાં આવી હતી. જેમાં કહેવામાં આવ્યું હતું કે, કનોટ પ્લેસ, દિલ્હી અને મુરથલ, હરિયાણામાં આવેલી રેસ્ટોરન્ટની શાખાઓ લગભગ રૂપિયા 70 થી 80 લાખનું માસિક ટર્નઓવર કરે છે. ફરિયાદીને વચન આપવામાં આવ્યું હતું કે, તેના રોકાણ પર સાત ટકા નફાની ખાતરીના બદલામાં તેને રૂપિયા 41 લાખનું રોકાણ કરવું પડશે. ફરિયાદીને એવું પણ વચન આપવામાં આવ્યું હતું કે, તેને ઉત્તર પ્રદેશમાં ફ્રેન્ચાઇઝી સ્થાપવા માટે સંપૂર્ણ મદદ મળશે. આ સંદર્ભે ફરિયાદી અને સહ-આરોપી વચ્ચે અનેક ઈ-મેઈલની આપલે પણ થઈ હતી. ઉપરાંત ઘણી બેઠકો પણ થઈ હતી. તમને જણાવી દઈએ કે, કનોટ પ્લેસ સ્થિત "ગરમ ધરમ ઢાબા" ની બ્રાન્ચ ઓફિસમાં ફરિયાદી, તેના વેપારી સહયોગીઓ અને સહ-આરોપીઓ વચ્ચે એક બેઠક પણ યોજાઈ હતી.

માહિતી મુજબ જાણવા મળે છે કે, એવો આરોપ છે કે એક સહઆરોપીએ ફરિયાદીને રૂપિયા 63 લાખનું રોકાણ કરવા અને ઉક્ત વ્યવસાય માટે જમીનની વ્યવસ્થા કરવા કહ્યું અને ત્યારબાદ ફરિયાદી, તેના વ્યવસાયિક સહયોગીઓ, સહ-આરોપીઓ વચ્ચે એક પત્ર પર સહી કરવામાં આવી. 22 સપ્ટેમ્બર, 2018 ના રોજ ફરિયાદીએ જણાવ્યું કે, તેણે 31 જાન્યુઆરી, 2019 સુધીમાં ગરમ ​​ધરમ ઢાબાની ફ્રેન્ચાઇઝી માટે 63 લાખ રૂપિયા ચૂકવવાના હતા. ત્યારબાદ, 22 સપ્ટેમ્બર, 2018 ના રોજ 17.70 લાખની રકમનો ચેક ફરિયાદી દ્વારા સહ-આરોપીઓને સોંપવામાં આવ્યો હતો અને તે પ્રતિવાદીઓના ખાતામાં રોકડ કરવામાં આવ્યો હતો.

ફરિયાદીએ જમીન ખરીદી હતી:એવું જણાવવામાં આવ્યું છે કે, તેમની વચ્ચેના કરારને આગળ વધારવામાં, ગજરૌલા, જિલ્લા અમરોહા, યુપી નજીક હાઇવે પરની જમીન પણ ફરિયાદી અને તેના વ્યવસાયિક સહયોગીઓ દ્વારા 2 નવેમ્બર, 2018 ના રોજ ખરીદવામાં આવી હતી. બાદમાં, તેઓએ શક્ય તેટલી વહેલી તકે ધંધો ચલાવવા માટે ઝડપથી કામ શરૂ કરવા બાબતનો સંપર્ક કર્યો હતો, પરંતુ આજદિન સુધી ન તો ઉત્તરદાતાઓએ ખરીદેલી જમીનની તપાસ કરી કે ન તો તેઓ ફરિયાદીને મળ્યા.'

વેપારીએ આરોપ લગાવ્યો કે તેને ધમકીઓ મળી રહી છે:એવું પણ જણાવવામાં આવ્યું હતું કે, ફરિયાદી દ્વારા ઉત્તરદાતાઓને મળવા માટે વારંવાર પ્રયત્નો કરવા છતાં, તેમને કોઈ પ્રતિસાદ મળ્યો ન હતો. આમ, ફરિયાદીને તેમના વ્યવસાયિક સહયોગીઓ પ્રતિવાદીઓ દ્વારા છેતરપિંડી કરવામાં આવી છે અને નુકસાન ભોગવવું પડ્યું છે. એવો પણ આરોપ છે કે ફરિયાદીને જો તેમણે ફરી સંપર્ક કરવાનો પ્રયાસ કર્યો તો તેને ગંભીર પરિણામોની ધમકી આપવામાં આવી હતી.

અગાઉ ફરિયાદના આધારે, કનોટ પ્લેસ પોલીસ સ્ટેશન પાસેથી કાર્યવાહીનો અહેવાલ માંગવામાં આવ્યો હતો. તદનુસાર, ફરિયાદની તપાસ કરવામાં આવી હતી અને પ્રતિવાદી સહ-આરોપીની પૂછપરછ કરવામાં આવી હતી. જેણે સ્વીકાર્યું હતું કે, 22 સપ્ટેમ્બર, 2018 ના રોજ તેની અને ફરિયાદી અને તેના વ્યવસાયિક સહયોગીઓ વચ્ચે એક પત્ર પર હસ્તાક્ષર કરવામાં આવ્યા હતા. જે 31 જાન્યુઆરી, 2019 સુધી માન્ય હતી, પરંતુ તેઓ ઉક્ત ઈરાદા પત્રની શરતો અનુસાર ફરિયાદીને “ગરમ ધરમ ઢાબા” ની ફ્રેન્ચાઈઝી આપવા તૈયાર છે. જાણવા જેવી બાબત એ છે કે પોલીસે કહ્યું હતું કે, ફરિયાદીનો પણ ટેલિફોન પર સંપર્ક કરવામાં આવ્યો હતો, પરંતુ તેણે કહ્યું હતું કે, હવે તેને કોઈ ફ્રેન્ચાઈઝી જોઈતી નથી.

આ પણ વાંચો: