મુંબઈ :રતન ટાટાના નિધન બાદ ટાટા ગ્રુપે પોતાના નવા ચેરમેનની પસંદગી કરી છે. નોએલ ટાટા આ ગ્રુપના નવા ચેરમેન હશે. તેઓ રતન ટાટાના સાવકા ભાઈ છે. હાલમાં નોએલ ટાટા સર દોરાબજીના ટ્રસ્ટી છે.
ટાટા ગ્રુપના ટ્રસ્ટી મંડળની બેઠક :ટાટા ટ્રસ્ટ પાસે ટાટા સન્સમાં 66 ટકા હિસ્સેદારી છે, જે ગ્રુપની હોલ્ડિંગ કંપની અને તેની સૌથી મોટી લિસ્ટેડ કંપનીઓને નિયંત્રિત કરે છે. ટાટા ટ્રસ્ટના દિવંગત ચેરમેન પરિણીત નહોતા અને તેમના મૃત્યુ પહેલા કોઈ ઉત્તરાધિકારીની નિમણૂક કરી ન હતી. હવે ટ્રસ્ટી મંડળની આજે બેઠક મળે તેવી શક્યતા છે. આ બેઠકમાં સેવાભાવી સંસ્થાના ભાવિ નેતૃત્વ અંગે ટ્રસ્ટી મંડળ નિર્ણય કરશે.
કોણ હશે રતન ટાટાના ઉત્તરાધિકારી ?ટાટા ટ્રસ્ટમાં સર રતન ટાટા ટ્રસ્ટ અને એલાઈડ ટ્રસ્ટ તથા સર દોરાબજી ટાટા ટ્રસ્ટ અને એલાઈડ ટ્રસ્ટનો સમાવેશ થાય છે. CNBC-TV 18 ના અહેવાલ મુજબ નોએલ ટાટાને ટાટા ટ્રસ્ટના ચેરમેન તરીકે રતન ટાટાના સંભવિત અનુગામી તરીકે જોવામાં આવી રહ્યા છે. અહેવાલો અનુસાર મેહલી મિસ્ત્રીને ટાટા ટ્રસ્ટના બોર્ડમાં કાયમી ટ્રસ્ટી બનાવવામાં આવી શકે છે.