બીજાપુરઃ બસ્તરની નજીક આવેલ ઓડિશાની સરહદે બોરીગુમા વિસ્તારમાં ગમખ્વાર માર્ગ અકસ્માતમાં કુલ 7ના મૃત્યુ થયા છે. આ માર્ગ દુર્ઘટનામાં જગદલપુરથી ઓડિશા તરફ જઈ રહેલ જીપ બીજાપુર પાસે બેકાબૂ બની ગઈ હતી. આ બેકાબૂ જીપ સામે આવી રહેલ બાઈક સાથે ટકરાઈ ગઈ હતી. બાઈક સાથે ટકરાયા બાદ આ જીપ મુસાફરો ભરેલ ઓટો રિક્શા સાથે ટકરાઈ હતી. બાઈક સવાર સિવાય અન્ય 2 મુસાફરોનું ઘટના સ્થળે મૃત્યુ થયું છે. ઘાયલોને કોરાપુટ હોસ્પિટલમાં દાખલ કરાયા છે. જેમાં વધુ 4નું મૃત્યુ થયું છે. આમ આ ગમખ્વાર અકસ્માતમાં કુલ 7 લોકોના મૃત્યુ થયા છે.
Tragic Road Accident: બસ્તર નજીક થયેલા ગમખ્વાર અકસ્માતમાં કુલ 7નો ભોગ લેવાયો, 3ના ઘટના સ્થળે મોત
બીજાપુર અને ઓડિશાની સરહદે ગમખ્વાર માર્ગ અકસ્માત થયો છે. આ અકસ્માતમાં કુલ 7 લોકોનું મૃત્યુ થયું છે. જેમાં 3નું ઘટના સ્થળે અને બાકીના 4 ઘાયલોનું સારવાર દરમિયાન મૃત્યુ થયું છે. અકસ્માતમાં ઘાયલ લોકોને ઓડિશાની કોરાપુટ હોસ્પિટલમાં દાખલ કરાયા છે. Tragic Road Accident 7 Died 3 On the Spot Died 4 Died In Hospital Odisha Bastar
Published : Jan 26, 2024, 9:11 PM IST
જગદલપુરથી ઓડિશા તરફ એક જીપ પૂર ઝડપે જઈ રહી હતી. આ જીપ બેકાબૂ બની ગઈ. આ જીપે બાઈક અને રિકશાને ધડાકાભેર ટક્કર મારી હતી. આ ગમખ્વાર અકસ્માતમાં ઘાયલોને સ્થાનિકો અને તંત્ર દ્વારા કોરાપુર હોસ્પિટલમાં દાખલ કરવામાં આવ્યા હતા. આ કમનસીબે અકસ્માતે 3નો ઘટના સ્થળે અને 4નો હોસ્પિટલમાં એમ કુલ 7નો ભોગ લીધો છે. આ સમગ્ર એક્સિડેન્ટ સીસીટીવીમાં કેદ થયો છે. જે ઘણું કંપાવનાર દ્રશ્ય છે.
અકસ્માતગ્રસ્ત જીપમાં કુલ 5 મુસાફરો હતા. જીપમાં સવાર દરેક મુસાફરો સુરક્ષિત છે. આ બેકાબૂ જીપે બાઈક બાદ જે રિક્શાને ટક્કર મારી તેમાં કુલ 15 મુસાફરો હતા. આ અકસ્માત બાદ જીપનો ચાલક ઘટના સ્થળેથી ફરાર થઈ ગયો હતો. આ ગમખ્વાર અકસ્માતમાં મૃત્યુ પામેલા લોકો ઓડિશામાં અલગ અલગ જગ્યાએ રહેતા હતા. પોલીસ અત્યારે જીપના માલિકની શોધખોળ કરી રહી છે. આ જીપની નંબર પ્લેટ છત્તીસગઢ રાજ્યની હોવાનું માલૂમ પડ્યું છે.