નવી દિલ્હી : જ્ઞાનવાપી મસ્જિદ કેસને લઈને જમાત-એ-ઉલેમા હિન્દીએ શુક્રવારે દિલ્હીમાં પ્રેસ કોન્ફરન્સ યોજી હતી. આ અવસરે ઓલ ઈન્ડિયા મુસ્લિમ પર્સનલ લો બોર્ડના અધ્યક્ષ મૌલાના ખાલિદ સૈફુલ્લાહ રહેમાની, જમિયત ઉલેમા-એ-હિંદના પ્રમુખ મૌલાના સૈયદ અરશદ મદની, મરકજી જમિયત અલી હદીસના પ્રમુખ મૌલાના અસગર ઈમામ મહેંદી, જમિયત ઉલેમા-એ-હિંદના પ્રમુખ મૌલાના સૈયદ અહેમદ મહમૂદ મદની. મુસ્લિમ પર્સનલ લો બોર્ડ સાથે સંકળાયેલા અનેક લોકો હાજર રહ્યાં હતાં.
વ્યાસજીના ભોંયરામાં ઉતાવળે પૂજા શરુ કરાઇ :આ દરમિયાન ઓલ ઈન્ડિયા મુસ્લિમ પર્સનલ લો બોર્ડના અધ્યક્ષ મૌલાના ખાલિદ સૈફુલ્લાહ રહેમાનીએ કહ્યું કે અમારી સાથે અન્યાય થઈ રહ્યો છે. હવે કોર્ટમાંથી પણ વિશ્વાસ ઉઠી રહ્યો છે. અમારી કોઈ વાત સાંભળવામાં આવતી નથી. અદાલતે ત્યાં મૂર્તિઓ મૂકીને ઉતાવળમાં પૂજા શરૂ કરાવી છે. વહીવટીતંત્ર મસ્જિદ સમિતિના આદેશ સામે અપીલ કરવાના અધિકારને પ્રભાવિત કરવા માંગે છે. અમે આ મિલીભગતને સખત શબ્દોમાં વખોડીએ છીએ.
કોર્ટના નિર્ણયની ટીકા : મૌલાના ખાલિદ સૈફુલ્લાહ રહેમાનીએ કહ્યું કે કોર્ટે આ કામ કરવા માટે પ્રશાસનને 7 દિવસનો સમય આપ્યો હતો. અમે વારાણસી જિલ્લા ન્યાયાધીશના નિર્ણયથી ખૂબ જ આશ્ચર્યચકિત અને દુઃખી છીએ. કોર્ટે આ નિર્ણય ખૂબ જ ખોટી અને પાયાવિહોણી દલીલોના આધારે આપ્યો છે. 1993 સુધી, સોમનાથ વ્યાસનો પરિવાર જ્ઞાનવાપી મસ્જિદના ભોંયરામાં પૂજા કરતો હતો. તત્કાલીન રાજ્ય સરકારના આદેશ પર તેે બંધ કરવામાં આવી હતી. 17 જાન્યુઆરીએ, કોર્ટ દ્વારા ભોંયરાને જિલ્લા વહીવટીતંત્રના નિયંત્રણમાં સોંપવામાં આવ્યું હતું. કોઈપણ લોકશાહી પ્રણાલીમાં કોર્ટ એ સમાજના પીડિત અને અસરગ્રસ્ત લોકો માટે છેલ્લો આશરો છે. પરંતુ જો તે પણ પક્ષપાતી થવા લાગે તો ન્યાય માટે કોને અપીલ કરવામાં આવશે?
અદાલત પર તીખી ટિપ્પણી :તેમણે કહ્યું કે દેશમાં હાલમાં જે રીતે અલગ અલગ મુદ્દા ઉઠાવવામાં આવ્યા છે. તેના પરથી એવું લાગે છે કે કાયદાનું રક્ષણ કરતી અદાલત ધાર્મિક શક્તિઓએ પોતાના કબજામાં લઈ લીધી છે. સુપ્રીમ કોર્ટના રામજન્મભૂમિ આદેશ બાદ જ્ઞાનવાપી મસ્જિદ અને મથુરાના મુદ્દા સતત સામે આવી રહ્યા છે. જો મુઘલ શાસન દરમિયાન આવું થયું હોત તો દેશમાં ઘણાં મંદિરો છે. મુસ્લિમોએ ક્યારેય કોઈ મંદિર તોડીને અલ્લાહની પૂજા ન કરી હોત.
- Gyanvapi ASI Survey Report:ઈટીવી ભારત પાસે એક્સક્લૂઝિવ તસ્વીરો, જ્ઞાનવાપી ASI સર્વે રિપોર્ટમાં સમાવેશ થયેલી તસ્વીરો
- Gyanvapi Case: જ્ઞાનવાપી પરિસરમાં આવેલા વ્યાસજીના ભોંયરામાં પૂજા કરવાનો અધિકાર મળ્યો
