નવી દિલ્હી : માત્ર વૃદ્ધાવસ્થા અને નબળા સ્વાસ્થ્યના આધારે વ્યક્તિને તેના આજીવિકા અને સન્માન સાથે જીવવાના અધિકારથી વંચિત ન કરી શકાય. દિલ્હી હાઈકોર્ટે એક અરજી ફગાવી દેતા આ વાત કહી. જસ્ટિસ ગિરીશ કઠપાલિયાએ ભાડૂઆતને મિલકતમાંથી કાઢી મૂકવાના આદેશને સમર્થન આપતાં કહ્યું હતું કે માત્ર મકાનમાલિક વૃદ્ધ છે અને તેની તબિયત નબળી છે, એવું માની શકાય નહીં કે તે તેના વ્યવસાય ચલાવવા માટે ભાડાની જગ્યાનો ઉપયોગ કરવા માટે હકદાર છે અથવા આજીવિકા મેળવવા માટે સક્ષમ નથી.
ભાડુઆતની અરજીને ફગાવી : કોર્ટે ભાડૂઆતની રજૂઆતને નકારી કાઢતાં કહ્યું હતું કે મકાનમાલિકની વૃદ્ધાવસ્થા અને તબિયતને જોતાં, જે જગ્યા ખાલી કરાવવાની માંગ કરવામાં આવી હતી ત્યાંથી તે કોઈપણ વ્યવસાય કરે તે વિશ્વાસપાત્ર નથી. હાઈકોર્ટે એડીશનલ રેન્ટ કંટ્રોલર (ARC) ના આદેશને પડકારતી ભાડુઆતની અરજીને ફગાવી દીધી હતી, જેણે ખાલી કરવાનો આદેશ પસાર કર્યો હતો.
આજીવિકાના અધિકાર :કોર્ટે કહ્યું કે મકાનમાલિક બીમાર છે અથવા તેનો પુત્ર આર્થિક રીતે તેની સંભાળ લઈ રહ્યો છે તે દર્શાવવા માટે રેકોર્ડ પર કંઈ નથી. માત્ર વૃદ્ધાવસ્થા અને નબળા સ્વાસ્થ્યને કારણે, વ્યક્તિને આજીવિકાના અધિકાર અને પરિણામે સન્માન સાથે જીવવાના અધિકારથી વંચિત કરી શકાય નહીં.
શું હતી મકાનમાલિકની અરજી : કેસની વિગત એવી છે કે, પહાડગંજ વિસ્તારમાં આવેલી એક દુકાનના માલિક હોવાનો દાવો કરતા મકાનમાલિકે ટ્રાયલ કોર્ટમાં આ આધાર પર ભાડુઆતને ખાલી કરાવવાની અરજી કરી હતી કે તેને હવે તેનો વ્યવસાય ચલાવવા માટે તે જગ્યાની જરૂર છે કારણ કે આના જેવી બીજી જગ્યા તેની પાસે નથી. મકાનમાલિકે જણાવ્યું હતું કે સત્તાવાળાઓ દ્વારા તેને બવાનામાં એક પ્લોટ ફાળવવામાં આવ્યો હતો, પરંતુ લાંબા અંતર અને તેની વૃદ્ધાવસ્થાને કારણે તેણે તેે પાછો સોંપી દીધો હતો.
- ભાડુઆત રાત્રે મોડો આવતાં મકાનમાલિક ગુસ્સે ભરાયો, ગોળી મારી દીધી
- Modern Tenancy Act:મકાનમાલિક અને ભાડુઆતી વચ્ચેની મુશ્કેલીઓનો હલ લાવશે
