નવી દિલ્હી: દિલ્હી હાઈકોર્ટે ચાર નાણાકીય વર્ષ માટે આવકવેરાની રીએેસેસમેન્ટ કાર્યવાહી વિરુદ્ધ કોંગ્રેસ પાર્ટી દ્વારા દાખલ કરવામાં આવેલી અરજીને ફગાવી દીધી છે. જસ્ટિસ યશવંત વર્માની અધ્યક્ષતાવાળી બેંચે અરજીઓ ફગાવી દેવાનો આદેશ આપ્યો છે.
કોર્ટે રીએેસેસમેન્ટની પ્રક્રિયાને પડકારતી અરજીને ફગાવી: હાઈકોર્ટે ચાર નાણાકીય વર્ષ 2017-18, 2018-19, 2019-20, 2020-21 દરમિયાન આવકવેરા વિભાગ દ્વારા શરૂ કરવામાં આવેલ રીએેસેસમેન્ટની પ્રક્રિયાને પડકારતી અરજીને ફગાવી દીધી છે. સુનાવણી દરમિયાન, કોંગ્રેસ પાર્ટી અને આવકવેરા વિભાગ સંમત થયા હતા કે 22 માર્ચે હાઈકોર્ટ દ્વારા આપવામાં આવેલ આદેશ આ અરજીઓ પર પણ લાગુ થશે. 22 માર્ચે હાઈકોર્ટે ત્રણ નાણાકીય વર્ષ માટે આવકવેરાની રીએસેસમેન્ટની કાર્યવાહી સામે કોંગ્રેસ પક્ષ દ્વારા દાખલ કરવામાં આવેલી અરજીને ફગાવી દીધી હતી.
જાણો શું કહ્યું કોંગ્રેસના વકીલે:22 માર્ચે ફગાવી દેવામાં આવેલી અરજીમાં આવકવેરા વિભાગ દ્વારા ત્રણ નાણાકીય વર્ષ 2014-15, 2015-16 અને 2016-17 દરમિયાન શરૂ કરવામાં આવેલી રીએેસેસમેન્ટની પ્રક્રિયાને પડકારવામાં આવી હતી. કોંગ્રેસ પક્ષ તરફથી હાજર રહેલા વરિષ્ઠ વકીલ અભિષેક મનુ સિંઘવીએ કહ્યું હતું કે આવકવેરા વિભાગે સમયમર્યાદા બાદ કાર્યવાહી શરૂ કરી છે. તેઓ વધુમાં વધુ છ નાણાકીય વર્ષના સમયગાળા માટે પુન:મૂલ્યાંકન કરી શકે છે.
આવકવેરા રિટર્નમાં શું તફાવત છે: સુનાવણી દરમિયાન, જ્યારે કોર્ટે પૂછ્યું હતું કે કોંગ્રેસ પક્ષ દ્વારા દાખલ કરવામાં આવેલા આવકવેરા રિટર્નમાં શું તફાવત છે, ત્યારે આવકવેરા વિભાગ તરફથી હાજર રહેલા વકીલ ઝોહેબ હુસૈને કહ્યું હતું કે 520 કરોડ રૂપિયા બાકી છે. તમને જણાવી દઈએ કે 13 માર્ચે દિલ્હી હાઈકોર્ટે કોંગ્રેસ પાર્ટી પાસેથી 105 કરોડ રૂપિયા વસૂલવાના આદેશ પર સ્ટે લગાવવાની માંગ કરતી કોંગ્રેસ પાર્ટીની અરજીને ફગાવી દીધી હતી.
- અરવિંદ કેજરીવાલના ED રિમાન્ડ પૂરા, આજે રાઉઝ એવન્યુ કોર્ટમાં હાજર થશે - Arvind Kejriwal Ed Remand
- 500 થી વધુ વકીલોએ CJIને પત્ર લખ્યો, ચોક્કસ જૂથો વિશે ચિંતા વ્યક્ત કરી - Lawyers Letter To CJI
