তেলেংগানাত কান্ধত তুলি নৈ পাৰ কৰিব লগা হ'ল গৰ্ভৱতী মহিলাক

নিউজ ডেস্ক, ২৫ জুলাই: মৌলিক সুবিধাৰ অভাৱৰ বাবেই তেলেংগানাত বিপদজনক ভাৱে কান্ধত তুলি নৈ পাৰ কৰাবলগা হৈছে গৰ্ভৱতী মহিলাক । ৰাজ্যখনৰ গুন্দালা মণ্ডল এলেকাত মল্লানা ভাগু লেকৰ জলপৃষ্ঠ বৃদ্ধি হোৱাৰ লগতে হ্ৰদটোৰ পৰা প্ৰৱল সোঁতত বাগৰি অহা পানীয়ে অস্থায়ী ভাৱে তৈয়াৰ কৰা দলংখন উটুৱাই লৈ গৈছিল। ফলত প্ৰৱল সোঁতৰ মাজেৰেই এগৰাকী গৰ্ভৱতী মহিলাক অতি বিপদজনকভাৱে কান্ধত তুলি নৈ পাৰ কৰিবলগা এক পৰিস্থিতিৰ সৃষ্টি হয় । অৱশ্যে চিকিৎসালয়ত উপস্থিত হোৱা মহিলা গৰাকীয়ে তেওঁৰ স্বাস্থ্য ঠিকেই আছে বুলি অৱগত কৰে ।