মহাষ্টমীৰ দিনাই জোনাইত ভয়ংকৰ পথ দুৰ্ঘটনা, আহত আঠগৰাকী লোক

দুৰ্গাপূজাৰ আনন্দোল্লাস মাজতে সোমবাৰে জোনাইৰ বান্দানাস্থিত ৫১৫ নং ৰাষ্ট্ৰীয় ঘাইপথত সংঘটিত হয় এক ভয়ংকৰ পথ দুৰ্ঘটনা (Road accident in Jonai)। প্ৰাপ্ত তথ্য অনুসৰি তেলামৰ পৰা জোনাই অভিমুখী AS-22C-2648 নামৰ এখন যাত্ৰীবাহী মেজিক আৰু পাচীঘাটৰ পৰা ডিব্ৰুগড়লৈ গৈ থকা এখন ৰেনল্ট গাড়ীৰ মাজত হয় মুখামুখি সংঘৰ্ষ ৷ এই দুৰ্ঘটনাটোত আহত হয় মুঠ আঠগৰাকীকৈ লোক । আহতসকলক প্ৰাথমিক চিকিৎসাৰ বাবে জোনাই অসামৰিক চিকিৎসালয়ত ভৰ্তি কৰোৱা হয় যদিও গুৰুতৰ ভাৱে আহত দুজনক সংকটজনক অৱস্থাত উন্নত চিকিৎসাৰ বাবে AMCH লৈ প্ৰেৰণ কৰে ।