কৰ্ফিউৰ মাজতো বিৰ দি বাট নোপোৱা অৱস্থা পাঠশালাৰ ৰাজপথত - Pathsala_town

কৰ’ণা মহামাৰীয়ে ভয়াৱহভাৱে চানি ধৰিছে সমগ্ৰ ভাৰতবৰ্ষ ৷ দেশত অক্সিজেনৰ অভাৱত মৃত্যু মুখত পৰিছে বহু আক্ৰান্ত লোক ৷ চিকিৎসাৰ অভাৱত হাস্পাতালৰ বাহিৰতে পৰি ৰৈছে বহু লোক ৷ যি সময়ত সমগ্ৰ দেশৰ লগতে কৰ’ণা মহামাৰীয়ে অসমতো ভয়াৱহৰূপ লৈছে সেই সময়তে বজালী জিলাৰ পাঠশালাত দেখিবলৈ পোৱা গৈছে এক উদ্বেগজনক দৃশ্য। মন কৰিব লগীয়া যে, সমগ্র বজালী জিলাত প্ৰায় সহস্রাধিক লোক কৰ’ণাত আক্ৰান্ত হোৱাৰ উপৰি ইতিমধ্যে, দহজনকৈ লোকে প্ৰাণ হেৰুৱাইছে। কিন্তু, এনে পৰিস্থিতিতো যেন সজাগ হোৱা নাই একাংশ জনসাধাৰণ । তাৰেই চিন স্বৰূপে পাঠশালা নগৰত দেখা গ’ল বিৰ দি বাট নোপোৱা অৱস্থা । সাধাৰণ অৱস্থাৰ দৰেই নগৰ খনৰ সকলো পথতে দেখা পোৱা গ’ল যান জঁট। দেখা নগ’ল কোনো ধৰণৰ সামাজিক দূৰত্ব।