চতিয়াত ভয়ংকৰ পথ দুৰ্ঘটনা: শিশুসহ নিহত তিনি

বিশ্বনাথৰ চতিয়াত ১৫ নং ৰাষ্ট্ৰীয় ঘাইপথত শুকুৰবাৰে সন্ধিয়া সংঘটিত হয় এক ভয়ংকৰ পথ দুৰ্ঘটনা(Road accident in Biswanath) ৷ এই দুৰ্ঘটনাত এটি শিশুসহ তিনিগৰাকী লোক নিহত হোৱাৰ লগতে আন এজন লোক গুৰুতৰভাৱে আহত হয়(3 person died in at Road accident) । নিহত লোককেইগৰাকী একেটা পৰিয়ালৰ বুলি জানিব পৰা গৈছে । তেওঁলোক চতিয়া উচ্চতৰ মাধ্যমিক বিদ্যালয়ৰ(Chatia Higher Secondary School) প্ৰাক্তন অধ্যক্ষ প্ৰয়াত আজিজুৰ ৰহমানৰ পুত্ৰ তৌচিফ ৰহমান আনচাৰী , বোৱাৰী আৰু নাতি ৷ উক্ত লোককেইজন চিকিৎসাৰ বাবে বিশ্বনাথ চাৰিআলি অভিমুখে হুণ্ডাই i 10 গাড়ীয়ে গৈ থকাৰ সময়তে একে দিশৰে পৰা আহি থকা এখন মালবাহী ট্ৰাকে পাছফালৰ পৰা খুন্দা মাৰে ৷ আনহাতে দুৰ্ঘটনাত গাড়ীখনৰ চালকগৰাকী গুৰুতৰভাৱে আহত হয় ।