হোজাইত অব্যাহত আছে বনৰীয়া হাতীৰ মুক্ত বিচৰণ

হোজাইত অব্যাহত আছে বনৰীয়া হাতীৰ বিচৰণ । বনাঞ্চলৰ পৰা খাদ্যৰ সন্ধানত ওলাই অহা বনৰীয়া হাতীৰ বৃহৎ জাকে প্ৰায়ে গ্ৰামাঞ্চলত প্ৰৱেশ কৰি উপদ্ৰৱ চলোৱাৰ অভিযোগ উত্থাপিত হৈ আহিছে । শুকুৰবাৰে নিশা হোজাইৰ দাৰীয়া বস্তি অঞ্চলত খাদ্যৰ সন্ধানত জাকে জাকে ওলাই অহা বনৰীয়া হাতীয়ে গ্ৰামাঞ্চলত প্ৰৱেশ কৰাত আতংকিত হৈ পৰে গাঁওবাসী । অৱশ্যে বন বিভাগ আৰু ৰাইজৰ সহযোগত বনাঞ্চললৈ খেদি পঠোৱা হয় বনৰীয়া হাতীৰ জাকটোক ।