হাফলঙত নৱবৰ্ষক আদৰাৰ ব্যাপক প্ৰস্তুতি - new year
2020 চনক বিদায় জনাই 2021 ক আদৰিবলৈ সাজু ডিমা হাছাওবাসী ৷ আশা-নিৰাশাৰ, প্ৰাপ্তি-অপ্ৰাপ্তিৰ মাজেৰে 2020 চন বিশ্ববাসীৰ বাবে আছিল এক প্ৰত্যাহ্বানমূলক বৰ্ষ ৷ বহু ঘাত-প্ৰতিঘাতকো নেওচি সম্প্ৰতি ৰাইজে নতুন আশা লৈ আগবাঢ়িছে 2021 ক আদৰিবলৈ ৷ যাৰ বাবে ভিন্ন প্ৰান্তত দেখিবলৈ পোৱা গৈছে নৱবৰ্ষক আদৰাৰ প্ৰস্তুতি ৷ কৰ'ণামুক্ত ডিমা হাছাও জিলাৰ হাফলং চহৰতো বৃহস্পতিবাৰৰ সন্ধিয়া পৰিলক্ষিত হ'ল এক উৎসৱমুখৰ পৰিৱেশ ৷ হাফলঙৰ ভিন্ন স্থানত ক'ভিড প্ৰট'কল ৰক্ষা ৰাইজে আয়োজন কৰিছে নৱবৰ্ষক আদৰাৰ কাৰ্যসূচী ৷