ৰূপহীহাট সমষ্টিত মিত্ৰজোঁটৰ প্ৰাৰ্থী যুৱনেতা নাজিৰ হুছেইন - মুখ্যমন্ত্ৰী সৰ্বানন্দ সোণোৱাল

ৰূপহীহাটৰ বিজেপি কৰ্মীৰ মাজত এতিয়া বিৰাজ কৰিছে উৎসৱমুখৰ পৰিৱেশ ৷ শুকুৰবাৰে প্ৰাৰ্থিত্ব তালিকা ঘোষণাৰ পাছতেই আতচবাজিৰে চৌদিশ মুখৰিত হ'ল ৰূপহীহাটৰ ৷ বিজেপিৰ কেন্দ্ৰীয় নেতৃবৰ্গই 2021 ৰ বিধানসভা নিৰ্বাচনৰ বাবে ৰূপহীহাট সমষ্টিত মিত্ৰজোঁটৰ প্ৰাৰ্থী হিচাপে প্ৰক্ষেপ কৰিছে সমষ্টিটোৰ জনপ্ৰিয় যুৱ নেতা নাজিৰ হুছেইনক ৷ এই খবৰৰ পিচতে ৰূপহী বজাৰ চাৰিআলিত শ শ বিজেপি কৰ্মীয়ে মুখ্যমন্ত্ৰী সৰ্বানন্দ সোণোৱাল জিন্দাবাদ, হিমন্ত বিশ্ব শৰ্মা জিন্দাবাদ, নাজিৰ হুছেইন জিন্দাবাদ আদি ধ্বনিৰে আকাশ-বতাহ কঁপাই তোলে ৷ প্ৰাৰ্থীগৰাকীয়ে ৰাজ্যিক বিজেপিৰ সমূহ নেতৃবৰ্গ আৰু সমষ্টিবাসীক ধন্যবাদ জ্ঞাপন কৰাৰ লগতে আগন্তুক নিৰ্বাচনত সকলোৰে সহায় বিচাৰে ৷