জামুগুৰি প্ৰেছ ক্লাবৰ চতুৰ্থ দ্বি-বাৰ্ষিক অধিৱেশনৰ সফল সমাপ্তি
দুদিনীয়া কাৰ্যসূচীৰে অনুষ্ঠিত গোলাঘাট জামুগুৰি প্ৰেছ ক্লাবৰ চতুৰ্থ দ্বি-বাৰ্ষিক অধিৱেশনৰ সফল সমাপ্তি ৷ অনুষ্ঠানত কৃতী ছাত্ৰ-ছাত্ৰীক বিশেষ অভিনন্দন জনোৱাৰ লগতে শৈক্ষিক বঁটা আৰু গ্ৰাম্য সাংবাদিকতা বঁটাও প্ৰদান কৰা হয় ৷ জামুগুৰিৰ প্ৰয়াত জয়ন্ত নেওগ সোঁৱৰণী ক্ষেত্ৰত অনুষ্ঠিত এই অধিৱেশনত নিৰ্দিষ্ট বক্তা হিচাপে উপস্থিত থাকে অৰণ্য মানৱ যাদৱ পায়েং ৷ প্ৰথম বাৰৰ বাবে প্ৰবৰ্ত্তন কৰা জয়ন্ত নেওগ সোৱৰঁণী গ্ৰাম্য সাংবাদিকতা বঁটা প্ৰদান কৰা হয় মেৰাপানীৰ সাংবাদিক দীপক বৰাক ৷ উক্ত সভাতে কনিষ্ঠ বিজ্ঞানী লাচিত শইকীয়া আৰু ভূমি দাঁতা পৰশমণি শইকীয়াক প্ৰেছ ক্লাবৰ তৰফৰ পৰা সম্বৰ্ধনা জনোৱা হয় ৷