মহানৱমীত মা-দুৰ্গাৰ সেৱা ল’বলৈ মৰাণৰ পূজা মণ্ডপত ভক্তৰ ভিৰ

পূৰ্বৰ তুলনাত জাক জমকতাৰ পৰিৱৰ্তে কেৱল আধ্যাত্মিকতাত গুৰুত্ব দি এইবাৰ মৰাণত অনুষ্ঠিত হৈছে দুৰ্গা পূজা । ক'ভিড নীতি নিয়ম পালন কৰি পূজা সমিতি সমূহে পূজা অনুষ্ঠিত কৰিছে যদিও মৰাণত পুৱাৰ পৰা গধুলীলৈ ভক্তৰ ভিৰ পৰিলক্ষিত হৈছে । মৰাণৰ শ্ৰী শ্ৰী শিৱ মন্দিৰ দুৰ্গা পূজাত স্থলীত মহানৱমীত পুৱাৰে পৰা ভক্তৰ ভিৰ পৰিলক্ষিত হৈছে । সকলোৱে নিজৰ আশা পূৰণৰ উদ্দেশ্যে দুৰ্গা মাৰ চৰণত সেৱা ল'বলৈ অহা পৰিলক্ষিত হৈছে । মৰাণত এইবাৰ ৯ খনকৈ পূজা অনুষ্ঠিত হৈছে যদিও প্ৰতিখন পূজা মণ্ডপতে ভক্তৰ ভিৰ পৰিলক্ষিত হৈছে ।