Women football league in Lakhimpur:লখিমপুৰত প্রথম বাৰৰ বাবে জিলা ক্ৰীড়া সন্থাৰ উদ্যোগত মহিলা ফুটবল লীগ
Published : Aug 31, 2023, 10:29 PM IST
লখিমপুৰ, ৩১ আগষ্ট :লখিমপুৰ জিলা ক্ৰীড়া সন্থাৰ উদ্যোগত জিলাখনত প্ৰথম বাৰৰ বাবে অনুষ্ঠিত হৈছে মহিলা ফুটবল লীগ । বৃহস্পতিবাৰে এই প্ৰতিযোগিতাৰ দ্বিতীয় দিনা স্প’র্টছ অথৰিটী অৱ ইণ্ডিয়াৰ দলে অসম চাহ মজদুৰ সংঘৰ দলক ৮-০ গলত পৰাস্ত কৰে ।
লখিমপুৰ জিলাত প্ৰথম বাৰৰ বাবে আয়োজন কৰা হৈছে মহিলা ফুটবল লীগ । লখিমপুৰ জিলা ক্ৰীড়া সন্থাৰ উদ্যোগত লখিমপুৰ চৰকাৰী উচ্চতৰ মাধ্যমিক বিদ্যালয়ৰ খেলপথাৰত বুধবাৰৰ পৰা এই প্ৰতিযোগিতাখন আৰম্ভ হৈছে । মুঠ ছটা দলে অংশগ্রহণ কৰিবলগীয়া এই মহিলা ফুটবল লীগৰ চূড়ান্ত খেলখন অনুষ্ঠিত হ’ব অহা ৯ ছেপ্টেম্বৰত ।
বুধবাৰৰ পৰা আৰম্ভ হোৱা এই খেলখনৰ আজি দ্বিতীয় দিনা অসম চাহ মজদুৰ সংঘৰ লখিমপুৰ জিলা শাখা আৰু স্প’র্টছ অথৰিটী অৱ ইণ্ডিয়াৰ লখিমপুৰ শাখাৰ দল দুটাৰ মাজত তীব্র উত্তেজনামূলক খেলখন অনুষ্ঠিত হয় । খেলখনত স্প’র্টছ অথৰিটী অৱ ইণ্ডিয়াৰ দলে চাহ মজদুৰ সংঘৰ দলক ৮-০ গলত পৰাস্ত কৰে । দলটোৱে বিৰতিৰ আগত ৫ গল আৰু বিৰতিৰ পাচত ৩ গল দিয়ে যদিও চাহ মজদুৰ সংঘৰ দলটোৱে এটাও গল দিব নোৱাৰিলে ।
লগতে পঢ়ক :Penchak Silat: চিলাপথাৰত পেঞ্চাক চিলাট্ সংস্থাৰ উদ্যোগত খেলো ইণ্ডিয়াৰ প্ৰথম মহিলা লীগ