মহিলা অধিবক্তাই সুৰক্ষা কৰ্মীক মুকলিকৈ অপদস্ত কৰাৰ ভিডিঅ' ভাইৰেল

কৰ্তব্যৰত সুৰক্ষা কৰ্মীক মুকলিকৈ অপদস্ত কৰি সামাজিক মাধ্যমত ভাইৰেল হৈ পৰিছে এগৰাকী মহিলা ৷ ঘটনাৰ স্থান দিল্লীৰ নয়ডা (Woman misbehaved with security guards in Delhi) ৷ শনিবাৰে মহিলাগৰাকীয়ে নয়ডাৰ চেক্টৰ ১২৬ ৰ জেপী গ্ৰীণ ৱিষ টাউন চ'চাইটিত নিযুক্ত এগৰাকী সুৰক্ষা কৰ্মীক দুব্যৱহাৰ কৰে ৷ জানিব পৰা মতে, পেচাগতভাৱে মহিলাগৰাকী হৈছে এগৰাকী অধিবক্তা ৷ ইফালে সেই সময়ত ঘটনাস্থলীত উপস্থিত ৰাইজে মহিলাগৰাকীৰ দুব্যৱহাৰৰ ভিডিঅ’ বনাই চ’চিয়েল মিডিয়াত প’ষ্ট কৰিছিল ৷ তাৰ পাচতেই ঘটনা সন্দৰ্ভত সৃষ্টি হৈছে তীব্ৰ প্ৰতিক্ৰিয়াৰ ৷ ইফালে অধিবক্তাগৰাকীৰ বিৰুদ্ধে ভুক্তভোগী সুৰক্ষা কৰ্মীগৰাকীয়ে আৰক্ষী থানাত দাখিল কৰে এক এজাহাৰ ৷ সেই এজাহাৰৰ ভিত্তিতেই আৰক্ষীয়ে আটক কৰে অভিযুক্ত অধিবক্তা মহিলাগৰাকী ৷ বৰ্তমান আৰক্ষীৰ জিম্মাত আছে অভিযুক্ত অধিবক্তা মহিলাগৰাকী ৷