Truck theft : চিলাপথাৰত ট্ৰাক চোৰৰ ঘাটি উৎখাত, এজনক আটক
Published : Oct 8, 2023, 2:11 PM IST
জোনাই, ৮ অক্টোবৰ: ধেমাজি জিলাৰ চিলাপথাৰত আৰক্ষীৰ অভিযান ৷ অভিযানকাৰী আৰক্ষীৰ দলটোৱে উৎখাত কৰে এটি চোৰাং কাৰবাৰ ঘাটি । এক গোপন খবৰৰ ভিত্তিত অসম-অৰুণাচল সীমান্তৱৰ্তী মাদুৰিপথাৰৰ কাবাৰিত আৰক্ষীয়ে চলোৱা অভিযানত জব্দ কৰে এখন ১৪ চকীয়া চোৰাংভাৱে কঢ়িওৱা ট্ৰাক ।
আৰক্ষীয়ে জনোৱা মতে, ডিব্ৰুগড় জিলাৰ চাবুৱাৰ পৰা চোৰাং বেপাৰীয়ে ট্ৰাকখন চুৰি কৰি কাবাৰিত বিক্ৰী কৰিবলৈ আহিছিল ৷ আৰক্ষী অহাৰ উমান পাই ঘটনাস্থলীৰ পৰা চুৰি চক্ৰৰ মূল মাষ্টাৰমাইণ্ড আব্দুল আলী পলাই যায় যদিও চোৰাং কাৰবাৰ লগত জড়িত ৰাহুল মিলি (২২) নামৰ যুৱকজনক আৰক্ষীয়ে আটক কৰিছে।
জব্দকৃত ট্ৰাকখনৰ নম্বৰ হৈছে MP17 WL-3313 । ট্ৰাক়খনৰ মালিক নামচাইৰ অশোক ডুবে বুলি জানিব পৰা গৈছে । আৰক্ষীয়ে তদন্ত অব্যাহত ৰাখিছে যদিও এই চোৰাং কাৰবাৰ লগত এটি বৃহৎ চক্ৰ জড়িত থকাৰ সন্দেহ কৰিছে আৰক্ষীয়ে । ৰাহুল টায়ে নামৰ লোকজনৰ কাবাৰিত উদ্ধাৰ হয় এই চোৰাং ট্ৰাকখন।
লগতে পঢ়ক:Theft Incident : বিহপুৰীয়াত গ্ৰাহকৰ বেশত প্ৰৱঞ্চকে লুটিলে ১৮ লাখ টকাৰ সোণৰ গহনা