অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে প্ৰতিবাদ
Protest in Tinsukia:তিনিচুকীয়াত মূল্যবৃদ্ধিৰ বিৰুদ্ধে যুৱ কংগ্ৰেছৰ প্ৰতিবাদ - মূল্যবৃদ্ধিৰ বিৰুদ্ধে প্ৰতিবাদ
তিনিচুকীয়া, ১১ আগষ্ট:পেট্ৰ'ল-ডিজেল,দৰৱকে আদি কৰি অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে আজি তিনিচুকীয়াত জিলা যুৱ কংগ্ৰেছে সমষ্টি যুৱ কংগ্ৰেছৰ সহযোগত প্ৰতিবাদ সাব্যস্ত কৰে ৷ তিনিচুকীয়াৰ চহৰৰ থানা চাৰিআলিত প্ৰধানমন্ত্ৰী নৰেন্দ্ৰ মোদীৰ পুত্তলিকা দাহ কৰে প্ৰতিবাদকাৰীয়ে ৷ পুত্তলিকাত প্ৰধানমন্ত্ৰীগৰাকীৰ ফটো লগাই দাহ কৰি সাব্যস্ত কৰাৰ সময়তে আৰক্ষীৰ স’তে বাক-বিতণ্ডাৰ সৃষ্টি হয় ৷
অসম প্ৰদেশ যুৱ কংগ্ৰেছৰ তত্বাৱধায়ক ড৹ স্মুতি ৰঞ্জন লেংকাৰ উপস্থিতিত আয়োজন কৰা উক্ত প্ৰতিবাদৰ সময়ত প্ৰতিবিধ সামগ্ৰীৰ অতিপাত মূল্যবৃদ্ধিৰ বিৰুদ্ধে শাসকীয় চৰকাৰখনক তীব্ৰ সমালোচনা কৰে নেতাগৰাকীয়ে ৷ শাসকীয় চৰকাৰখনে জনসাধাৰণক মাথোঁ প্ৰতাৰণা কৰাৰ অভিযোগ উত্থাপন কৰি প্ৰতিটো সামগ্ৰীৰ মূল্যবৃদ্ধিৰ জৰিয়তে জনতাৰ মূৰত ৰামটাঙোন দি আহিছে বুলিও ক্ষোভ উজাৰে সংগঠনটোৱে ৷