চুৰি কৰা বাইক লৈ পলায়ন কৰোঁতে দুৰ্ঘটনাত পতিত যুৱক-যুৱতী - Road Accident in Sonari

ডিব্ৰুগড়, 4 ডিচেম্বৰ : চৰাইদেউ জিলাৰ সোণাৰিত চাঞ্চল্যকৰ ঘটনা ৷ সোণাৰিৰ ৰাজপথত অচেতন অৱস্থাত উদ্ধাৰ যুৱক-যুৱতী ৷ বাইক চুৰি কৰি পলায়ন কৰোতে দুৰ্ঘটনাত পতিত হোৱাৰ সন্দেহ যুৱক-যুৱতীৰ ৷

ঘটনা অনুসৰি, সোমবাৰে পুৱতি নিশা সোণাৰি নগৰৰ সমীপৰ ভজোৰ নিবাসী ফিৰোজ খান নামৰ এজন লোকৰ বাসগৃহৰ পৰা এখন বাইক চোৰ কৰিছিল যুৱক-যুৱতীয়ে ৷ তেনে সময়তে গৃহস্থই গম পোৱাত বাইক লৈ পলায়ন কৰা যুৱক-যুৱতীক এখন চাৰিচকীয়া বাহনেৰে অনুসৰণ কৰে ফিৰোজ খানে ৷ সেই সময়তে সোণাৰি নগৰৰ টিয়ক ৰজাবাৰীত বাইকসহ দুৰ্ঘটনাত পতিত হয় পলায়ন কৰা যুৱক-যুৱতী ৷

ইফালে দুৰ্ঘটনাস্থলীৰ পৰা এটা পিষ্টল, কেইবা জাঁই সজীৱ গুলীৰ লগতে চুৰি কাৰ্যত ব্যৱহাৰ কৰা বিভিন্ন সামগ্ৰী উদ্ধাৰ কৰে ৷ আনহাতে, অচেতন অৱস্থাত উদ্ধাৰ কৰা যুৱক-যুৱতীৰ পৰিচয় বৰ্তমানেও উদ্ধাৰ কৰিব পৰা হোৱা নাই ৷

লগতে পঢ়ক :কংগ্ৰেছৰ এতিয়া গ্ৰহণযোগ্যতা নাই: যোগেন মহন