নলবাৰীত হাতে হাতে ত্ৰিৰংগা পতাকা লৈ আৰক্ষীৰ শোভাযাত্ৰা
77th independence day: নলবাৰীত হাতে হাতে ত্ৰিৰংগা পতাকা লৈ আৰক্ষীৰ শোভাযাত্ৰা
নলবাৰী, ১৩ আগষ্ট:স্বাধীনতা দিৱসলৈ মাজত আৰু এটা দিন । স্বাধীন ভাৰতে ৭৬ বছৰ অতিক্ৰম কৰি খোজ পেলাব ৭৭ বৰ্ষত । ইপিনে স্বাধীন ভাৰতত আজাদী কা অমৃত মহোৎসৱ উপলক্ষে নলবাৰী জিলাতো তিনিদিনীয়াকৈ কাৰ্যসূচী হাতত লোৱা হৈছে । এই উপলক্ষ্যে দেওবাৰে নলবাৰী সদৰ আৰক্ষী থানাৰ পৰা আৰক্ষী আৰু ভিডিপিৰ জোৱানসকলে চহৰখনৰ পথত হাতে হাতে ত্ৰিৰংগা পতাকা লৈ এক শোভাযাত্ৰা কাৰ্যসূচী ৰূপায়ণ কৰে ৷
নলবাৰী জিলা আৰক্ষী অধীক্ষক সুধাকৰ সিঙৰ নেতৃত্বত উলিওৱা হয় এইশোভাযাত্ৰা ৷ শোভাযাত্ৰাত অংশলোৱা প্ৰত্যেগৰাকী আৰক্ষী আৰু ভিডিপিৰ জোৱানে হাতে হাতে ত্ৰিৰংগা পতাকা লৈ "ভাৰত মাতা কি জয়, ভাৰত মহান হে, ঘৰ ঘৰ ত্ৰিৰংগা" আদি শ্লোগান দি চহৰখনৰ প্ৰতিটো পথেৰে আগবাঢ়ি যায় ।