Sex Racket Busted: নগাঁৱত উৎখাত নাৰী দেহ ব্যৱসায়ী চক্ৰ - নগাঁৱৰ আৰক্ষী অধীক্ষক নৱনীত মহন্ত
নগাঁও, 18 জুলাই :নাৰী দেহ ব্যৱসায়ীৰ বিৰুদ্ধে অভিযান নগাঁও আৰক্ষীৰ ৷ ড্ৰাগছকে ধৰি বিভিন্ন অপৰাধৰ বিৰুদ্ধে তৎপৰ হৈ থকা নগাঁৱৰ আৰক্ষী অধীক্ষক নৱনীত মহন্তৰ নেতৃত্বত নগাঁও আৰক্ষীয়ে উৎখাত কৰিবলৈ সক্ষম হয় এটা নাৰী দেহ ব্যৱসায়ী চক্ৰ । সোমবাৰৰ নিশা এক গোপন খবৰৰ ভিত্তিত নগাঁও আৰক্ষীৰ এটা দলে অভিযান চলাই নগাঁৱৰ ভোটাইআটিত । ভোটাইআটিত অভিযান চলাই আৰক্ষীৰ দলটোৱে উৎখাত কৰিবলৈ সক্ষম হয় নাৰী দেহ ব্যৱসায়ৰ ঘাটি ।
ভোটাইআটিৰ এটা ভাৰাঘৰত দেহ ব্যৱসায় চলোৱাৰ তথ্য লাভ কৰিয়েই নগাঁও আৰক্ষীৰ দলটোৱে নিশা চলোৱা অভিযানৰ সময়ত অসংযত অৱস্থাত উদ্ধাৰ কৰে যুৱক-যুৱতীকেইগৰাকীক । ঘৰটোৰ পৰা আৰক্ষীৰ দলটোৱে চাৰিগৰাকী যুৱতী মহিলাসহ চাৰিজনকৈ যুৱকক আটক কৰিবলৈ সক্ষম হয় । ভাড়াঘৰটোৰ পৰা আৰক্ষীয়ে যুৱতী-মহিলাৰ লগতে টিংকু আলী, ইছলামপট্টিৰ মেৰাজুল ইছলাম, ভোটাইআটিৰ মাইনুদ্দিন আৰু কচুলখোৱাৰ হবিবুৰ ৰহমানক কৰায়ত্ব কৰিবলৈ সক্ষম হয় । ধৃত আটাইকেইজনকে জেৰা অব্যাহত ৰাখিছে নগাঁও আৰক্ষীয়ে ।
উল্লেখযোগ্য যে, বিগত কিছুদিন ধৰি নগাঁও আৰক্ষীয়ে ড্ৰাগছৰ লগতে অন্যান্য অপৰাধীৰ বিৰুদ্ধেও ধাৰাবাহিক অভিযান চলায় বহু সফলতা লাভ কৰিবলৈ সক্ষম হৈছে ।
লগতে পঢ়ক :Oil smuggling in Tinsukia: তিনিচুকীয়া আৰক্ষীৰ জালত তেল চুৰি চক্ৰৰ 2 সদস্য; অভিযান অব্যাহত