বাইক-ট্ৰেক্টৰৰ মুখামুখি সংঘৰ্ষ: নিহত এজন, এজন আহত

জোনাই, ৮ জানুৱাৰী: ধেমাজি জিলাৰ লাইমেকুৰী ৫১৫ নং ৰাষ্ট্ৰীয় ঘাইপথত দেওবাৰে মাজনিশা  ভয়ংকৰ পথ দুৰ্ঘটনা সংঘটিত হয় ৷ জানিব পৰা মতে দেওবাৰে নিশা প্ৰায় ১১ বজাত জোনাইৰ পৰা চিলাপথাৰ অভিমুখে গৈ থকা বাইক আৰু বিপৰীত দিশৰ পৰা অহা এখন ট্ৰেক্টৰৰ মাজত দুৰ্ঘটনাটো সংঘটিত হয় ৷ 

লগে লগে স্থানীয় ৰাইজে দুৰ্ঘটনাস্থলীত উপস্থিত হৈ বাইকখনৰ দুয়োগৰাকী আৰোহীক সংকটজন অৱস্থাত জোনাই অসামৰিক চিকিৎসালয়ত ভৰ্তি কৰে যদিও এজনক মৃত বুলি ঘোষণা কৰে চিকিৎসকে ৷ মৃত যুৱকজন তেলাম কমনচেলকৰ বিনিত দ’লে (২১) বুলি জানিব পৰা গৈছে ৷ ইয়াৰে এজনক সংকটজনক অৱস্থাত ডিব্ৰুগড় মেডিকেললৈ প্ৰেৰণ কৰা হৈছে ৷ 

ইফালে দুৰ্ঘটনা সংঘটিত কৰি ট্ৰেক্টৰখনে পলায়ন কৰে বুলি জানিবলৈ দিয়ে স্থানীয় লোকে ৷ দুৰ্ঘটনাগ্ৰস্ত বাইকখন নম্বৰ হৈছে AR09B 7762 ৷ জোনাই আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷ নিহত লোকজনৰ মৃতদেহ আৰক্ষীয়ে মৰণোত্তৰ পৰীক্ষা বাবে ধেমাজি লৈ প্ৰেৰণ কৰিছে ৷

লগতে পঢ়ক:ৰাজ্যত প্ৰতিবাদ-ধৰ্মঘট নিষিদ্ধ